Ahlrichs, Theda: Een Krömmel Solt. Geschichten un Gedichten En grootordig Lusterbook för eensame Stünnen. Dat sünd man allens blots Krömels, wat de Minsk so beschickt kriggt, man mitünner kann een Krömel allens verännern - wenn he dat Solt in de Zuppen is. Theda Ahlrichs kickt in ehr 31 Gedichten, Vertellens un Gebeden de Minsken nich blots op't Muul, man ok deep in't Hart - wat dat sehr is of wat dat övergeiht vör Glück. Un se lett dor wat opschienen vun Gott sien Leevde, mal as so'n lüttjen Striepen, annermal en wissen Pahl to'n Fastholen. Theda Ahlrichs is 1946 born un in Marx in Oostfreesland groot wurrn. In Ollnborg hett se op Pädagogik studeert mit Theologie as Hauptfack. Se wahnt in Wiesmoor un is verheiradt mit den Pastor Jibbe-Edo Ahlrichs un hett dree Kinner: Ahlke, Fenke un Hilko. Se is düchtig togang bi de AG Plattdüütsch in de Kark un hett al wiet över 100 Karkenleder översett oder schreven. För ehr plattdütske Karkenarbeid is se 1995 mit den Keerlke-Pries uttekent wurrn. Wiesmoor: Theda Ahlrichs ehr Sübstverlag 2008, 67 Min. Speeltiet
