Dat is di Levensberatung op allerfeinst Platt: Wat meenst ddu, woans en Froo ehr Nacht so utsüht, de ehr Kirl an na twee Minuten an to snurken fangt? Jo, de Froonslüüd weet dor wat vun af - man de Mannslüüd? Wohrschau: Laat düt Book keen Mannsminschen nich in de Hannen fallen, anners kummt dat rut, woans de Wiever de Mannslüüd in jem ehren unschülligsten Slaap verwammst - ut Rache! Dat Vehtüüch kummt in dat Book en beten kort - oder sünd dor amenn de Mannslüüd mit meent?! Kortwielige Vertellens ut Froonssicht, free vun de Seel weg vertellt in en sprüttenfrischet Platt! Edith Jürgens is 1957 in Bremerhaven to Welt kamen. Na de Realschool hett se op Kinnerkrankenswester un op Koopfroo lehrt, denn is se an de Hochschool un hett dor BWL studeert. Vundaag arbeid se op en Soziaalstatschoon un kümmert sik üm de Pleeg un de Verwalten.in ehr Freetiet schrifft se girn, un se arbeidt in’n Bereich Heimatpleeg bi de „Männer vom Morgenstern“. Broschur ISBN 3-936120-00-5 Goldebek: Mohland Verlag 2001, 125 S.
