En depen Inblick in dat Leven vun de Schoolmestersche un Schrieversche Wilhelmine Siefkes vun de Kaisertiet bet in de fröhe Bunnesrepublik gifft düsse Autobiografie, de toeerst blot för de egen Familje dacht weer, denn aver, 'n bietje ümschreven, druckt wurrn is. Musst di wunnern, woans ut en streng religiöse un nationalistische Deern en Aktivistin in de Arbeiterbewegung ward - sodatt toletzt in de Nazitiet dat Leven stuur ward: mit 42 Johren Entlassung ut'n Staatsdeenst, Beroops- un Schrievverbot maakt de Rüüme eng. Alls, wat Siefkes mit de Arbeiterbewegung in Leer opbuuwt hett, word kort un kleen slahn. En Dokument norddüütsche Tietgeschicht, dat den Leser neet weer loslett. Schreven op Hochdüütsch. Wilhelmine Siefkes (1890-1984) stammt ut Leer un weer toeerst Schoolmestersche. In de Nazitiet müss se as övertüügte Christin un Demokratin dat Schrieven nalaten. Se hett to'n groten Deel op Platt schreven un ok Warken ut de freeske un ut de hollännische Spraak översett. För ehrn Romaan "Keerlke" hett se 1940 - ünner wunnerliche Ümstännen - den Fehrs-Pries kregen. Fast inbunnen. Leer: Verlag Schuster, 2. Opl. 1997
