Nu as bibliophile Utgaav to hebben: En Fastelavendsspill as Kampfansage an de Lehr vun de ole Karken, dat weer Waldis sien middelnedderdüütschen Tweeakter, den he 1527 in Riga opföhren dee. Siet de 1980er Johren is dat Stück ok in Lettland wedder opföhrt wurn. Nu hett de Verlag Musica Baltica ut Riga dat middelnedderdüütsche Wark, tohopen mit en lettisch Översetten, wedder opleggt. Dat Original is as Faksimile (vun en Wolfenbütteler Exemplor) blangen dat Översetten afdruckt: "Moeth bulen lößen, afflaedt kopenn Nha sant Jacob, nha Rome lopenn ..." Ok as Inföhrung in dat Middelnedderdüütsche goot to bruken! Mit en Nawoort op Ingelsch vun Dieter Andresen över de Geschicht vun Autor un Text. Vun Hand in Papp inbunnen, Fadenheftung. Riga: Musica Baltica 2010, 189 S.
