Schmidt, Diedrich H.
Ligusterdrm

Geschichten, de uns Leven infangt. Un dat Twieveln. Un de Afgrnn. Wiet weg vun alldaagsche Nixigkeiten. Figuren mit Deepgang un Fraagteken. Stimmungen, de uns neeschierig maakt. Konflikten, de keeneen bruken deit - un vun de wi weet, dat se liekers in de Welt snd. Dat allens vertellt in en kraft- un bildvull oostfreesch Platt.

DH Schmidt schrifft nu al siet 50 Johr. Sien Schrieven is mit de Tiet jmmers wat beter worrn. Fr uns Lesers richt he en ganz egen Welt in, man wi kaamt dorin trecht. Fr enige vun de acht Leesstcken, de in dat Book afdruckt snd, hett he plattdtsche Literatur-Priesen kregen.

85 Johr is Schmidt nu oolt. Nie hett he en Opstand m sik maakt. In de Szene kennt vele em gor nich. Man siene Gele Rosen (1970) un ok de Ligusterdrm (2018) hrt in jeedeen Bkerschapp. (Quelle: INS)

Ick weet nich, wat ji dat Phantom dh schmidt kennt. Wohrschienlich, wenn ji in de plattdtsche Szene tohuus snd. Denn he kriggt jmmer mal Priesen, snnerlich den Freudenthal-Pries: 1995, 2005, 2017. Ick harr henfhren schullt, denn harr ick em wohrschienlich beleevt. Doch dor weer ick to fuul fr. Man to wat heff ick Internet? Dor heff ick sienen Namen ingeven un en Foto von em sehn, as he den Borsla-Pries 2017 kreeg.

Achtern in sien Book steiht, dat he Hlpsarbeiter in en Iesengeteree ween is, Broangestellter, Journalist, Hannelsvertreder, Kaffeerster un vele Johrn Schoolassisstent. Meist verwunnern mi de Arbeitssteden Hannelsvertreder un Journalist, denn de mt op de Ld togahn, mt mit de snaken un de vertgen. Un ick stell mi dissen Autor bannig trchhllern vr, in sick vergruvelt. Man villicht is he ganz anners.

Von sien Arbeitsleven kaamt twee, in sien Geschichten vr: de Iesengeteree un dat Bro.

Freit un beduert heff ick, dat D.H. Schmidt ostfrees Platt schrifft: freit dorm, dat he in so en grandiose Spraak schrifft; un beduert dorm, dat ick so veel Wer nich kenn, ofschoonst ick ut de Ollnborger Lannen kaam, wat tominnst ut Hamborger Sicht doch al dicht bi Ostfreesland liggt.

Blots mal as Bispill de Wer, de ick op de erste Sied von Ligusterdrm nakieken mss: schn, slrd, Flren, verdwolen, quastig, ratt, allmetts, Ruusk, taje, Gegalm. Man dat lohnt sick. Blangenbi: Argert heff ick mi ver de Lttje Hlp fr de Leser. Wietlftig staht dor op twee Sieden en poor Wer. Op de twee Sieden harr he ltt schreven teihnmal soveel Wer nnerbringen kunnt. Denn harr dat Trchbldern hulpen. Man so: as wull he di ton Narren holen. Meist all de Wer, de ick nakieken wull, weeern dor nich bi. Ton Glck keem mi denn Otto Buurman to Hlp (nich mit de 11 Bnde vont Hochdtsche in dat Ostfreessche, man mit den ltten twlften Band).

Twee Geschichten snd na mien Meen plattdtsche Normalkost: nett to lesen, man nich wrklich wichtig: Lina un Tomke kfftn Wiehnachtsboom. Lina is al wat ller, hett ehr Leven lang op en Buernhoff arbeit. Wat mutt, dat mutt. Man wo se nich arbeiden mutt, in ehr egen Kamer, dor lett se dat na, bit se in ehr Kamer nner den Schrank en gefhrlich Deert sht. Se haalt den Buern to Hlp, de mit en Gewehr en Ladung Schroot nner den Schrank pstert un oplest dor en verschimmelt Mettwuss ruthaalt.

Man de annern Geschichten: Dor musst di richtig na verhalen. Un bi de mehrsten, dcht mi, mss de Autor Psychiatrie-Erfohrungen hebben. Man dat he in de Psychiatrie arbeit hett, steiht nich in sienen Levensloop.

Ton Bispill Jonas, en Geschicht von dreeundrtig Sieden. Jonas Elkmann (de plattdtsche Jedermann?) steiht achter sienen Schrievdisch. He is siet Johrteihnte Bookhller,de Arbeit is daan, de Kollegen un Kolleginnen snd al na Huus, man Jonas weet nich, Siet Dagen is daar son nare Gefhl, so as wenn dr wat achter hum tositten deit, hum nasliekt, nett asn Scharr, de an sien Hackens kleevt. Man so he sck umdreiht, is daar nix So geiht dat los un so geiht dat wieder. verall sht he Spkels, sien Fro, de em nich vr vull nimmt; den Shn ut de erste Ehe von sien Fro, de op de hgere School geiht un wat Beters warrn will; sien Dochter, de em nich versteiht. Jonas hrt dat Schimpen, sht dat Schddkoppen, hrt Stimmen, sht den annern Jonas, den blots he sht, den he Wrgen kunn, man nich recht tofaten kriggt.

HD Schmidt kann sick rinverstetten in enen Keerl, denn de Minnachtigkeit von sien Umwelt in de Schizophrenie drifft; kann dat to Spraak bringen. Dat is grode Kunst.

De Geschicht Annika Annika Barnsteen vertellt von enen Jung von villicht veerteihn Johr, de bi sien Oma op en Insel Ferien maakt. De Oma is nett, man de Jung bruukt anner Jungs, um sick goot to fhlen, doch de hebbt em nich op de Tell, maakt sick ver em lustig, weet, dat he von Annika drmt. Annika is ook op de Insel mit ehr Familie. Un Annikas Vadder Dr. Dembach is de Schoolmester von den Jung. Man denn, frh ann Snndagmorgen, drppt he ann Strand Annika, wiest ehr sienen Barnsteen; vertellt, he wss, op wecke Sandbank man Barnsteen finnen kann; vertellt, dor weer keen Gefohr wat man so vertellt, wenn man bi de Droomdeern Indruck maken will. Un so gaht se int Watt

Un grootorig trurig is de Titelgeschicht. Beter kann een dat Fhlen un Denken von en Drinker nich to Spraak bringen. He sitt op de Terrass un drinkt. Sien Fro will em int Huus halen; sien Dochter; man he drinkt. He sht den Jung an de Goornpoort, de Angst fr den Lw hett; drppt de Naversch; sien Mudder, de noch jung is; sht dat Bild von sienen Vadder op dat Schapp, den he al twee Johr nich mehr sehn hett; hrt de Flegers, de op Emden to fleegt. In den lesten Breef fraagt Vadder, wat wullt du warrn? He will Frster warrn ook wenn in den Woold Lwen snd; man de Frster hett en Gewehr

Still, wee still, dien Mudder () hett sck inn See verdrunken; ick bn dat nu () Se rddelt dien Arms, se bedelt, se weent, se tlt di van d Grund.

Ick will hier nich all de Geschichten vertellen. Se hrt to dat Beste, wat dat in de plattdtsche Literatur gifft. Ut dit Book kummst du anners rut, as du dor ringahn bst; hier maakst du Erfohrungen, de du anners nich maken kannst. Ook wenn dat Book Mh maakt, snnerlich fr Nichtostfresen: De Mh lohnt sick.

(Rez. vun Bolko Bullerdiek, in: Quickborn 109, Heft 2, S. 80-82)

ISBN: 978-3-7308-1502-1

Ollenborg: Isensee Verlag 2018, 120 S.

ISBN: 9783730815021
Kategorie: Bker

Bestellnummer: BO ISE 4078
Ligusterdrm
Dat köst Woveel wullt Du?
€ 9,90
+ Versand
Een Sied trüch