Paasche, Hans / Goltz, Reinhard (Övers.)
De Entdecker-Fohrt vun den Afrikaner Lukanga Mukara na den binnersten Part vun Düütschland
Mit Bidrääg vun Helmut Donat un Reinhard Goltz

Reinhard Goltz hett tohopen mit den Donat-Verlag en heel besünnern Klassiker ut de düütsche Literatur "plattmaakt": Hans Pasche sien "Entdecker-Fohrt vun den Afrikaner Lukanga Mukara".

Hans Paasche weer al vör'n Eersten Weltkrieg för Freden, he hett sik för en gerechten Ümgang mit Afrika insett un damaals al Alarm slaan, datt wi de Natur nich toschannen maken dröövt. Dorför hebbt se em damaals eerst in de Psychiatrie steken un in'n Mai 1920 dootschaten. In sien Book, wat nu op Platt rutkamen is, sünd Berichten in to finnen, de en Afrikaner an sien König schrifft. He is in Düütschland ünnerwegens un wunnert sik düchtig över allens, wat he beleven deit un to sehn kriggt.

De Geschicht sülvst is mehr as hunnert Johr oolt, man veel vun dat, wat Lukanga opfallt, gifft dat ok vundaag noch: De ünnerwegens is, schafft wat weg. Fleesch eten, Smöken, Fiern un Alkohol drinken – dor geiht dat üm ringeten, daalsluken un rookstinken.

De Blickwinkel maakt, dat Heinrich Paasche en akkeraten Spegel vun de düütsche Gesellschaft tekent hett – mal dokumentarisch, mal to’n Högen, mal mit vergrellten Achtersinn. De Autor is vör den Eersten Weltkrieg as Suldat un as freen Minsch in Afrika ween. Dor hett he en Sinn för de afrikaansche Kultur kregen.

Dat Book kümmt rut to den Dag, an den dat 100 Johr her is, dat Hans Paasche vun rechte Riekswehr-Suldaten dootschaten worrn is. Dat weer an’n 21. Mai 1920. Översett hett dat Breef-Vertellen Reinhard Goltz. (Plattschapp / www.ins-bremen.de)

ISBN 978-3-943425-99-4

Donat Verlag : Bremen 2020, 112 S.

ISBN: 9783943425994
Kategorie: 1

Bestellnummer: BO DON 4261
De Entdecker-Fohrt vun den Afrikaner Lukanga Mukara na den binnersten Part vun Düütschland
Dat köst Woveel wullt Du?
€ 12,80
+ Versand
Een Sied trüch