Hannes, de lütte Schipper, hett en Problem: He mutt Dag för Dag mit sien lütt Seilschipp fischen föhren. Un nu hett he en Koh, vun sien Oma schinkt kregen. Un sien Berta, de mag he nich alleen tohuus laten. So nimmt Hannes sien Koh mit op sien Schipp. Un op See, merrn in en Storm, passeert dat: Dor duukt en swartbunten Fisch op, jüst so scheckig as Berta: En Kohfisch! Un de beiden wüllt furns Frünnen warn. Man en Koh in de See oder en Fisch op'n Boot, dat geiht doch nich, oder? ... En Book to'n Vörlesen för Kinner vun twee bet söven. Bunt illustreert vun de Schrieversche sülms. Spiraalbinnung ISBN 978-3-939492-41-2 Hameln: GG-Verlag 2012, en ganzen Barg Sieden
