Rützel, Heidemarie
Unser dääglich Broot ... Geschichten de blots dat Leven schrieven deit 1913-1956.

Een Oort Familjen- un Tietgeschicht to schrieven, de dat anners woll noch nich gifft: Heidemarie Rützel vertellt Episoden över Minschen, de unvermittelter nich ween kunnen. Mitünner sünd düsse Episoden so dicht mit’nanner verweevt, datt Schicksale opschient: Dat vun Bäcker Heini Honel, de ut sien hele Dörpswelt na Esterwegen in’t KZ kummt. Dorbi wull he doch jümmer blots een Saak: Broot backen. Man de SS schafft dat nich, em in sien Binnerst to breken. In de Stadt schafft he en nejen Anfang. Oder dat Schicksal vun Magda, de na’n Erbgesundsheitsgerichtsurdeel steriliseert ward un sik man blots noch as’n halven Minschen vörkummt – un, deep verletzt, ok nich mehr na ehren Kirl trüchwill: „Koddel is ok nich beter mit sien Snuut,“ seggt Magda över ehren Koddel - he harrr’n Hasenscharte – „wi sünd beide nich nödig in düsse Welt.“ Een breed Bünnel vun Minschen dör de Generatschonen hett de Autorin dorbi in’n Blick, schoonst de Fokus vun düt lüttje Book op de Nazitiet liggen deit. Glöövst nich, datt de Schrieversche Johrgang 1950 is – dat lett as sprickt ut ehr Geschichten de Erfohrung vun een langet Leven, as harr se allens sülms beleevt. Man een, de Familje so versteiht as Heidemarie Rützel, in den leevt förwiss de Vörfohren mit all ehr Levenserfohrung wieder. Geschichten, de klook maakt. Heidemarie Rützel, Jg. 1950, leevt in Eckernföör. Se is Krankenswester, Husfroo un rundüm een Familjenminsch. De prämierte Texten (Freudenthal-Pries 2006) sünd hier ok mit binnen. ISBN 3866750188 ISBN 9783866750180 Goldebek: Mohland 2006, 104 S.

ISBN:
Kategorie: Böker

Bestellnummer: BO MOH 1064
Unser dääglich Broot ... Geschichten de blots dat Leven schrieven deit 1913-1956.
Dat köst Woveel wullt Du?
€ 8,40
+ Versand
Een Sied trüch