Minsch un Land - wo ing us Leven mit de Landschaft tosamenhingt, dat ward een Geohr bi Gudrun Münster ehr Gedichten. Dorbi nimmt se us nich blots mit nah Nordsee un Sleswig-Holsteen, nee, ock nah Frankriek, Italien, in de Schweiz un nah Afrika geiht de Blick - un annerwegens wedder deep in't Minschenhart, as dat glöövt, jiepert un twievelt. Opgrepen warrt blangen Landschaften ok Figuren un Gedichten vun de platt- un norddüütschen Klassikers. Theodor Storm. Man nich mehr "Över de stillen Straten" geiht dat, nee, vundaag heet dat bi Münster: Över de Straten larmt dat so wild Över de Straten geiht dat so hild. Gudrun Münster is een Dichtersche, de norddüütsche Traditschoon un kritische Moderne in ehr Gedichten verbinnen deit. Dorbi lett se di nich alleen un höllt di nich för'n Narren, as so mennicheen Dichter vundaag: "Up de Wind-Ies-Schalmei" is Dichtung, de een versteiht. Husum: Husum Verlag 2006, 95 S.
