De düt Book lesen will, dröff nich bang ween vör Vörurdele un Riemels, de egaal weg rünnerrumpelt. Originell ward dat nah de eersten Sieden: To’n Högen is dat Rentnergedicht (S. 47), wo dat sübstkritisch ward; interessant is dat Book, wat de Sozialgeschicht angeiht: In den achtersten Deel vertellt Günter Baumann ut sien Kinner- un Jungkerlstiet in Dithmarschen, wo he herkummt. Born is he in Meldörp, wo he in de 50er un 60er Johren as Bookdrucker arbeid hett. Mit de Geschichten staht ole Originale, de unvergeten sünd, wedder op. Dorbi blifft Baumann authentisch un dicht bi de Wohrheit. Mit Glossar. Broschur. ISBN 3-89906-933-1 Niebüll: Videel 2005, 164 S.
