Wenn du weten wullt, woans Emmen üm 1900 utsach, finnst du hier een Panoptikum van literarische Biller. Een Prachtwark van Gesamtutgaav van een to Unrecht meist vergeten oostfreesken Schrieversmann. De Figuren, de Dirks (1874-1949) wedder opstahn lett, dat Emmen, dat mit sien Wöör wedder lebennig ward, dat Platt, dat he mit Meisterhand to bruuken weet, erinnert an den Bremer Georg Droste. Een markt, datt hier Journalistenhandwark, de Inspiratschoon vun Lüüd as Hermann Löns un Friedrich Freudenthal un Dirks sien Maut tau de plattdüütsche Moderspraak op wunnerbore Wies tauhaupenfunnen hebben. Den gröttsten Deel nehmen de Erzählungen in; vör de Gedichten is een Theaterstück inschoven. Ok de Vertonungen sünd in't Oringinaal-Notenbild afdruckt. Johann Friedrich Dirks is in Emmen born un het dor Baukdrucker lehrt. Sien Verlegger Dr. Zorn vun de "Emder Zeitung" is fröh wiesworrn, wat förn Talent sik bi em in de Druckerwarkstääd afmarachen dee un geev em Gelegenheit, sik to'n Journalisten uttobillen. In junge Johren hett he Heimatdichter as Löns un Freudenthal kinnenlehrt. Bet in sien letzte Daag hett he, meisttieds op Plattdüütsch, schreven. Illustreet mit Farvbiller vun Emmen un Oostfreesland vun Meinhard Uttecht. Fast inbunnen, Fadenheftung, mit Leseband. För de Utstattung veel tau billig! Nörden: Verlag Soltauer-Kurier 2002, 269 S.
