Mitnehmen in en vergahn Kinnertiet kann di Annegret Neunaber, op en Wies, datt du nich mehr ophalen magst mit Lesen, wat dat üm den Alldag oder üm de besünnern Beleevnisse geiht, de een blots eenmal in’t Leven tomööt kaamt. Man utgahn deit se faken van vandaag, treckt de Fadens trüch nah dat Etzel van damaals. Dorbi weet se Situatschonen mit ehr Spraak un mit ehr Stillswiegen to „griepen“, ton Bispill wennn de Schandarm ehr wegen 5 Penn Straaf nah Freebörg föhren lett un ehr düchtig wat utlacht, as se ehr Plicht nahkummt. Blangen ehr Vertellens hett Neunaber ok Gedichte schreven, de de Freid an’t Leven oder depen Gloven vertellt. Ehr Spraak is een Harlinger Platt, lebennig un mit Kracht. Annegret Neunaber kummt ut Etzel, Gemeend Freebörg, ehem. Kreis Wittmund un is Schriftföhrerske bi d' „Arbeitskreis ostfriesischer Autorinnen und Autoren“. Se hett al in ünnerscheedliche Tietschriften Texten drucken laten. Leer: Hebus-Verlag 2005, 112 S.
