Bellmann, Johann D. / Blank, Hans-Georg (Rg.) / Utermöhlen, Bernd (Rg.)
Uns Herrgott sien Daglöhner un anner Vertelln

Johann D. Bellmann is een vun de groten Meisters vun de plattdüütsche Literatur. In düt Book sünd sien eerste Warken in to finnen:
- De Buckjagd
- De Harvsttiet
- De Trecker
- De Hund as Nachtwächter
- Uns Herrgott sien Daglöhner
- De Sledenfohrt
- Thomas oder Dor fehlt de Bewies
- Een Nindörper in Hamborg
- De Wüppsteert
- Ik bün een Spraak-Polizist

In sien Vertellen nimmt Bellmann mal den een un mal den annern sien Blickwinkel in: Opa mutt mit ansehn, datt de beiden Peer verköfft weert un dat de eerste Trecker op'n Hoff kummt ("De Trecker"). Ut den lütten Enkelsöhn sien Ogen ward mitbeleevt, woans Opa gegen de neje Mood gegenangeiht, bet de Lütte den Trecker in de Rövenkuhl stört un de nich mehr to bruken is. In "Harvsttiet" jöökt een Olendeler dat, nochmal mit sien Jagdwagen uttoföhren un dat nochmal to versöken. Eenmal dat dohn, wat nich verlöövt is, eenmal utbreken, de ingen grenzen achter sick laten, de de jungen Lüüd em sett, em, de sick dat nich linger gefallen laten will.
In Bellmann sien Geschichten geiht dat nich blots üm de lütte Welt vun de Buxthuder Geest, nee, dat geiht ock un besünners üm dat, wat de Minschen ümdrifft: Dat Lengen, dat Nich-Utholen-Künnen, Freeheit un Grenzen, Gloven un Twievel, Minschween un Verdreet.
De letzte Text "Ik bün een Spraakpolizist" is een kritischen Blick op dat Blangenanner vun Platt- un Hochdüütsch.
Bellmann is 1930 in Ruschwedel, Landkreis Staad, to Welt kamen un is in Nindörp as Buurjung grootwurrn. Bellmann hett nah de Oberschool Theologie un achteran Germanistik studeert. Arbeid hett he twüschendör in't Bargwark un op'n Hoff, he is to See föhrt un weer in Wien an't Theater. Vun Beroop wör he Schoolmester un Schoolmesterutbiller; af 1973 weer he Dozent an de Theologische Akademie in Harmsborg, Lkr. Celle. He hett sick in de ünnerscheedlichsten literarischen Gattungen op Platt utodrücken wüsst: Hörspeel, Theater, Epos, theologische Opsätz, Karkenleder un sogor een Romaan hett he toweeg bröcht. Sturven is he 2006 in sien Heimatdörp. An Priesen hett he allens kregen, wat de nedderdüütsche Kultur to beden hett.
Mit Wortverklorens, een Nahwoort vun Jochen Müller-Roselius un een plattdüütsche Kortbiografie vun Dr. Heinrich Kröger. Illustreert vun Wiebke Saphir-Hannappel.
Fast inbunnen, mit Schutzümslag.
Buxthuu: Heimatverein Buxtehude 2006, 120 S.

ISBN:
Kategorie: Böker

Bestellnummer: BO HBU 1127
Uns Herrgott sien Daglöhner un anner Vertelln
Dat köst Woveel wullt Du?
€ 12,80
+ Versand
Een Sied trüch