Brüchert, Erhard
De halwe Fiskermann. Veer Novellen

Ubbo is een vun de Minschen, de de Saken mehr op sik tokamen laat. Een, de dat nich markt, wenn dor een annern is, de sien Stääd innehmen deit. Den dat nich egaal is, wat de annern dinkt, de aver sien Ding dörtrecken deit. Enen Dag is bi em allens ut: In de Karkengemeen, wo he sien Johren de Örgel speelt hett, ward he nich mehr bruukt: Dor ward een nejen Karkenmusiker instellt. As he nah Huus kummt, ward he wies, datt sien Froo em mit sien Fründ Tim hinnergeiht. Un op de Arbeit bruukt se em egentlich ok al lang nich mehr. Dor treckt em dat nah’t Water un nah de Musik hen, as de Orkan optrecken deit ... För düsse Novelle „De halwe Fiskermann“ hett Erhard Brüchert 2003 den Borsla-Pries kregen. De annnern dree Novellen hebbt mit de Tiet twüschen 1918 un 1945 to kriegen. „De Minsch ut dat Lazarrett Pasewalk“ vertellt vun enen Gefreiten, de nah den verloren Eersten Weltkrieg besluten deit, datt he Politiker warrn will. Dat glückt woll. Un he bringt enen Tweten Weltkrieg toweeg. Du weetst, vun wokeen snackt ward – sien Naam bruukt nich nöömt warrn. De letzten beiden Novellenvertellt vun hollännische Frömdarbeiders. In „Jan Vellinga: Ut Franker in Friesland“ geiht dat üm enen, de in’t KZ inspunnen ward un utkniepen will. Toeerst lett dat as wennn dat slumpt ... In „De verpasste Tiet“ geiht dat üm enen Frömdarbeiter, de een ostpreußische Buursfroo mit ehr Kinner nah Westdüütschland retten deit. As he to weten kriggt, datt sien halvjöödsche Ehefroo in Bergen-Belsen dootbleven is, dor maakt he sik vun’n Acker. Jüst as de Buursfroo dor an to dinken anfangt, sik mit em intolaten. As de Jung lange Tiet nah den Krieg in Westfreesland mit enen oolen Mann an to snacken fangt, markt he, datt de Geschicht mit em sülven wat to kriegen hett ... Erhard Brüchert is een ehemaligen Schoolmester. He wahnt in de Nöögde vun Ollnborg un is de Baas vun den Ollnbörger Heimatbund "De Spieker". He is mehrfach för sien Schrieven uttekent worrn. Oldenburg: Isensee 2004, 77 S.

ISBN:
Kategorie: Böker

Bestellnummer: BO ISE 1132
De halwe Fiskermann. Veer Novellen
Dat köst Woveel wullt Du?
€ 8,50
+ Versand
Een Sied trüch