Mal wat Besünners gefällig? Rinkieken in een frömme Welt: „Bi Nelli ward de lesde Wien Klock halvig ölven utschinkt un de allerlesde Klock twölf. Dar twüschen is jümmer jüst soveel Wien, as de Minsch bruukt, üm to vergeten, dat Venedig op Pahlen buut is“ (S. 15). Mitgahn mit Minschen, de anners sünd as de annern: „Ik bruuk den Wien, sä he, dat ik mien Klook nich verleer“ (S. 19). Indükern ahn to weten, wannehr een wedder vördag kummt ut düsse Stadt: „To laat. Siet den Dag heff ik dor nich wedder ruutfunnen, ut jemehr Vennedig“ (S. 35). In 14 Skizzen schient een Stadt op, de wat hett, wat de annnern nich hebbt. Mit Kinnerlarm, mit Karkenklocken, mit frömmme Wöör, mit ehren Schiet un ehren Charme. Dor schall Di woll schruterig to Moot warrn! Mit Jürgen Kropp in Venedig. Poetische Prosa vun een Hals-över-Kopp verleevten Jürgen Kropp, sporsam, man effektvull illustreert vun de Designersche Marlis Schult. Mit Öersettens in Hochdüütsch un Hoch-Italieensch. Dat is di weltbörgerliche Platt-Kunst! Jürgen Kropp is 1955 in Büdelsdörp (Sleswig-Holsteen), Lkr. Rendsborg-Eckernföör, born, wo he vundaag noch wahnt. He hett veel Theaterstücken un Lyrik op Hoch- un Plattdüütsch schreven un mehrfach den Freundenthal-Pries, aver ock anner Priesen, för sien Prosa un Lyrik kregen. Mit een Vörwoort vun Hein Kröger. Fast inbunnen, mit Schutzümslag. ISBN 3-928398-39-3 ISBN-kurz 3928398393 ISBN-13 978-3-928398-39-8 Hamburg (u.a.): Achilla Presse 1998, 67 S.
