Hoop, Hein / Venske, Henning
Grimmige Märchen in Hoch und Plattdeutsch.

Grimmig sünd se nicht jüst, man heel un deel wunnerlich, de Märken ut grimmige Tieden: Karikaturen vun Märken- un anner Motive, dumm Tüüg un achtersinnigen Humor steekt dor achter, wenn de „twee Königskinner“ egentlich gornich toenanner wüllt un toletzt ganz övern Ärmelkanaal swömmen mööt un blangenbi noch de Post mit Posthorn un Honnig-Anlick-Breefmarken erfinnt. Oder wenn de Fischer nich mehr den Butt röppt, sünnern de Königin ehr gullen Wärmbuddel klaun un blangenbi Leevsdeensten leisten mutt, sodatt de arme Kirl – de egens ok gor keen Fischer, sünnnern en Deef is – toletzt ok noch de Wärmbuddel vergitt un amenn noch König un Wiev dootslaan mutt – un, dat passt nu wedderr to’n Märken, noch den olen König in Bett un Amt bearvt. Oder wenn Blondi Sterndaler speelen will, dorför op de Bahamas flüggt un sik wunnert, datt de Lüüd ehr Kledaschen - de se in ehr weltverbeterhaftige Goothardigkeit verschinken will - nich bruken doot. Schasst di wunnern: Gold regent dat toletz liekers ... Wat ton Högen för den Leser mit swatten Humor un wenig Tiet – de grimmigen Märken sünd wat kötter as de grimmschen. Hein Hoop sien „Märken“ (20 Stück) sünd op Platt, Henning Venske sien (11 Texte) op Hoch. Hein Hoop is 1927 in Graasten, Dänemark, boorn un 1986 dootbleven. He weer Bildhauer, Wattenmeerakschoonskünstler un Dichter un hett de meiste Tiet in Eiderstedt, Nordfreesland, leevt. Masse platt- un anner düütsche Sängers hebbt sien Texten vertont, so Hannnes Wader, Knut Kiesewetter, Fiete Kay un Volker Lechtenbrink. Henning Venske hett in Berlin un Hamborg an’t Theater un för den Rundfunk arbeit, siet 1984 höör he to de „Münchner Lach- und Schießgesellschaft“. Göttingen: Davids Drucke, 3. Oplaag 1989, 109 S.

ISBN:
Kategorie: Böker

Bestellnummer: BO DAV 1246
Grimmige Märchen in Hoch und Plattdeutsch.
Dat köst Woveel wullt Du?
€ 9,00
+ Versand
Een Sied trüch