Gall, Günter
Klassiker op platt

PRIESDREGERS 2007: En Chansonnier mit Minschen- un Musikkennis is Günter Gall. To sien 60. Gebutsdag hett he sik muskaalsche Glückwünsch vun sien Kollegen wünscht – un allens op Platt ümsett. Rutkamen is een künstlerisch eenmalige Sammlung vun Musik twüschen Chanson un Folk mit Interpretatschonen vun Jacques Brel un François Villon, Heine, Goethe un Bert Brecht, Woody Guthrie un Ray Davies, plattdüütsche Ledermakers un Volksgoot. De Leders övertüügt mit ehren aktuellen oder tietlosen Text un Gall sien Gesangsstimm un de trüchhöllersche, aver passliche instrumentelle Begleitung. Dat nedderrheinische Platt is för mennigeen woll nee, aver bestens to verstahn, tomaal de Texten kumplett in dat Booklet mit afdruckt sünd.
Alleen för de aktuelle Interpretatschoon vun Buffy Saint-Marie sien „Universal Soldier“ wör sik de CD lohnen!
Mit een Booklet, wo all de Texten, wunnerliche Wöör mit ehr hochdüütsch Pangdang un Henwiesen to de Frünnen in to finnen sünd, de de Leder bistüürt hebbt.
De Musiker un Schrieversmann Günter Gall is 1947 boren un an’n Nedderrhein opwussen. In de 70-er Johren is he anfungen op Platt to singen. 2007 kreeg he de Franz-Peter Kürten- Utteknung vun dat internationale Mundartarchiv Ludwig Soumagne in Zons. Siet lange Johren bringt he mit sien Grupp „Düwelskermes“ oder in anner Besetten Literatur un Musik op lütte Bühnen in ganz Düütschland un de Naberlänner. He leevt in Ossenbrügg.
Wenn du Günter Gall noch nich kinnst, ward dat Tiet, em kinnentolehrn!
Neestadtglödens: Artychoke artist productions 2007, 68 Min. Speeltiet

ISBN:
Kategorie: CDs

Bestellnummer: CD AYE 1263
Klassiker op platt
Dat köst Woveel wullt Du?
€ 14,95
+ Versand
Een Sied trüch