Kastendieck, Johanna
Anner Lüüd sünd ok Lüüd

Originelle Vertellsels, de överrascht: en olen Schoolfründ, lang verheiradt, kort vör sien Sülverhochtiet, Vader vun twee Kinner, steiht eens Daags bi Hannes in de Döör un bicht em, datt he schwul is. In „Kortenspelen mit Kea“ geiht dat üm een Kortenclub. Kea, de de letzten Weken masse Geld verloren harr, keem miteens nich mehr. As Ella un Martha all ehren Mott tohopnehmt un Kea besöökt, beleevt se en lütt Wunner. Un verleren deit Kea de nächsten Weken bi’t Kortenspelen ok nich mehr ... Dat Book leevt vun de Perspektivwessels un de Wennungen, de keen dösige Döntjes sünd: De Ik-Verteller is mal en Kind, mal en Kirl, mal en wunnerlichen Verteller, de doch mehr vun buten kiekt as dat he in de Geschicht steiht. Markst de Texten aver an, datt se vun een Froo schreven sünd, glööv ik, wat’n an dat Fiengeföhl markt – aver ok dor an, datt de Mannslüüd mitünner nich so goot wegkaamt. De Gedichten, de mang de Vertellsels to finnen sünd, billdt en scharpen Kontrast to de Prosa: Een Lengen na dat Gegenöver, een Klaag över Verlust. Aver ok en Spier vun Tofredensien mit de Eensamkeit in „Hallig-Geföhl“. Entdeckenswert is dat Book, tomaal de Autorin us nich so as anner plattdüütsche Schrieverslüüd in de eersten Sätz dormit besabbelt, worüm se schrieven deiht, nee: Dat ruttofinnen blifft di överlaten. Johanna Kastendieck, Jg. 1946, kummt ut Oostfreesland, leevt aver al siet lange Tiet in Uetersen, Lkr. Pinnbarg. Se is Liddmaat vun de Grupp „Liekedeler“, wo se den gröttsten Deel vun de Texten för schrieven deit.

Broschur

ISBN: 978-3936120172

Goldebek: Mohland 2002, 97 S.

ISBN: 9783936120172
Kategorie: Böker

Bestellnummer: BO MOH 1265
Anner Lüüd sünd ok Lüüd
Dat köst Woveel wullt Du?
€ 8,40
+ Versand
Een Sied trüch