Schütte, Hayo
As ik noch wat jünger weer ...

Överraschen deit Schütte mit unbekannte Perspektiven: Op de een Siet kriggst du mit düt Book een Biografie in de Hannen, vull Fantasie, Farv un Filosofie. Du lehrst den Minschen Hayo Schütte as Minsch un as Künstler kinnen. Op de anner Siet let de een oder anner Geschicht wedder so lögenhaftig, datt du nich weetst, wat du di högen schasst oder de Hannen över soveel Schavernack un Undöögt över'n Kopp tosamenslaan schallst. Jedenfalls is düt Book nich een vun de langwieligen "Ik-vertell-vun-fröher-wiel-dat-anners-vergeten-ward"-Sammlungen, nee: Schütte hett us würklich wat to seggen, un he kriggt dor masse Schick bi. Mitünner müss ik bi't Lesen an Umberto Eco sien "Baudolino" dinken: Goot vertellt, un du weetst nich nich, wo de Irnst ophollt un de Spaaß anfangt - un büst bang, datt de Schriever di för'n Narren höllt. Dat is dat Besünner an düt Book.
Blangenbi hett dat noch anner Vördele, de egens gornich mehr nödig deen: Du kannst de Geschichten nicht blots op Hoch un op de anner Siet jeweils op Platt lesen, nee, du kannst en groten Deel vun jem ok noch vun de CD anhören, wo Schütte sülms op sien fründlich-vigeliensche Ort vörleest. Dor mang kregele Leder vun de Wendlänner Grupp Swing op de Deel.
Hayo Schütte, Jg. 1930, kummt ut Oostfreesland vun de Harlinger Masch un leevt siet lange Tiet in't hannöversche Wendland an de Elv.
(Heiko Frese)

Langendörp: Sübstverlag vun den Autor 2007, 127 S. + CD mit 76 Min. Speeltiet

ISBN:
Kategorie: Böker

Bestellnummer: BO SUE 1276
As ik noch wat jünger weer ...
Dat köst Woveel wullt Du?
€ 18,00
+ Versand
Een Sied trüch