Den Autor sien Geföhl för Riem un Minschen maakt düt Bauk tau wat Besünneres: En Minschenfründ tüht sien Fazit na en langet Leven un berichtet, wat he tau seggen hett. In sien Gedichten wäät Hermann Marschewski sovääl vun sien Leev tau de Minschen un tau dat Leven wiedertaugäven, datt de Läser sik riek beschinkt wäät. An’t Hart gaht de „Törns“, de Vertellens, wo Marschewski Minschen vörstellt, de in em en Spoor hinnerlaten hebbt, wat dat de krumme, aver rieke Botenfru Alma Pieper wier, de as en Sniewehe ennet oder de Begegnungen mit den olen Schoolfründ Schorse, de bi fiev Glääs Grog anfangt un mit en filosofischen Woortwessel mit de junge Generatschoon ennt. Dormag aver ok klassische Döntjes, to’n Högen. De Gedichten owertüüget nich bloß met ehr mitünner strenget Versmaat un de egensinnigen Strophen. Se sünd ok Boten, ut de Tiet twüschen Kaiserriek un 70-er Johren, de de Gedanken goot to griepen weet un unbannig ehrlich sünd, ob dat över de Natur, den Minschen, de Vergänglichkeit oder vergnöglichet Undöögt geiht. Lang heff ik nich mehr so in mik ringrient un so mitleden bi’n Lesen! (Heiko Frese) Bi Hermannn Marschewsik markst du, datt he nich en Minsch is, de schrieven deit, weil he schrieven mag, sünnern weil he wat to sejjen hett. Vun sien Vader op en anner Spoor esett, maket he sik dor vun frie un ward ut Naturverbunnenheit Gärtner, en Beruf, wo he dat wiet in bringt, trotzdem Krieg un Gefangenschaft em tosett hebbt. He is 1904 in Fallersleben eborn un 1940 na Wolfsborg, damals „Stadt des K-d-F-Wagens“, etrocken. Na de Gefangenschaft is he trüch na Fallersleben egahn, wo he bet tau sien Läwensenne 1982 ewahnet hett. He schrifft ostfäälsch Platt. Dä Illustratschonen vun Marschewski sien Dochter Ellen Kresky geevt dat Book en besünnern Akzent: Mal parallel tau de Themen, mal in’n sachten Kontrast maakt se dat Book rieker, ahndat se sik in’n Vöörgrund dränget. Ellen Kresky hett düt Bauk tau ehren Vader sien 25. Dodesdag nie rutebröcht. Paperback. Rutebröcht in’n Sübstverlag Ellen Kresky o.O. 2007, 160
ISBN 3929359189
ISBN 978-3929359183
S.
