De mal en würklich moderne A-Capella-Interpretatschoon vun Klaus Groth hören will, de is hier richtig. Dorto aver ok de schönsten Egenkompositschonen: Leder över Land, Lüüd, Luv un Lee, de di weten laat: Hier büst du tohuus. Dat ganze Liekedeler-Repertoire, vun Klaus Groth övermoderne Volksleder bet na rockig un nostalgisch! De Titels: 1. Rotten op'n Böön 2. Dat Huus 3. Ol' Wichel 4. Autobahn 5. Laat di dat goot gahn 6. Anna-Len 7. Rut op de See 8. Nix mehr as vörhen 9. Schall ik gahn 10. Heimatleev 11. Dat Moor 12. Harvst 13. Dörp in Snee 14. Luv un Lee 15. Raus auf die See „Liekedeler“ sünd en Grupp, de sik 1989 tosamendoon hett. Wat ut Freid an’t Musikmaken un an de plattdüütsche Spraak anfüng, wör flink en Nebenberoop för de söss Lüüd. Liekers hebbt se all noch’n „anstännigen“ Beroop. „Liekedelers“ weer de Naam vun Klaus Störtebeker sien Seerövers, de Lust, Leed un Gewinnst to glieke Dele delen deen – jüst so as de Liekedelers vun vundaag: Bert C. Biehl, Gert Drögemöller, Christoph Göritz, Jörn P. Schröder, Carola Schacht un Johanna un Klaus Kastendieck. Liekedeler sünd al faken in’t Fernsehn optreden, se maakt jedet Johr en nejet Programm för’t Johr un een för Wiehnachten. Se singt över Land un Lüüd, wüllt aver nich för Gewalt op „volkstümlich“ maken. De plattdüütsche Musik hören will, de sik nich so kommerziell un aalglatt anhört, de liggt bi Liekedeler richtig! Uetersen: Dwarslöper Musikproduktion 2004, 44 Min. Speeltiet
