AGB & Datenschutz | Impressum | Över us
 

Bunte Knicks

Ümweltgedichten - op Platt

Jensen, Jens

Riem di oder ik freet di: Ümwelt is in, Ümwelt mutt rin. Mitünner nette Gedanken un enkelte Verse, de ok in’n Kopp behangen blievt. Man: De Deepgang fehlt. To un to dull geiht dat hen un her: Hier toveel Solt, dat streit ward, denn mal fix dör’n Drievhuuseffekt, un twee Verse wieder denn wedder bi’t Streisolt. Un denn jümmer de glieken Aspekte, de wedderkaamt: De Larm un de Gestank vun de Autoafgase. Harr de Autor sik mal irnsthaft mit dat Thema befaat, dennso wüss he, datt de Autos man blots an’n lütten Deel vun use Ümweltprobleme Schuld an sünd.
Schön, datt een sik mal op Platt mit düt Thema befaat. Man leider een, de nich dichten kann un nix vun’t Thema versteiht.
Ümmerhen: Dat Book maakt vun buten wat her un du kannst dormit bewiesen, datt'n op Platt ok över Ümwelt schrieven kann.

Jens Jensen is Vörsitter vun de Volksgill in Büdelsdörp, Kreis Rendsborg-Eckernvöör.

Niemünster: Wachholtz Verlag 2007, 112 S.

Kategorie: Böker
Bestellnummer: BO WAC 1297
Pries: 9,90 EUR  + Versand
Wo veel wullt du?
   Stück
torüch na de letzte Siet torüch na de letzte Siet