Rüschenschmidt, Albert (Rg.) / De Spieker (Rg.)
Spiegelsplitter / Speegelsplitter / Speigelsplitter

Nedderdüütsche Texten ut de verscheden norddüütschen Regionen hett de Schrieverkring vun „De Spieker. Heimatbund für niederdeutsche Kultur e.V.“ sammelt un tohopen stellt: En beachtlich Book vun 611 Sieden is dat worrn, vull mit Sachtexten. All de verscheden plattdüütschen Dialekten sünd afbild, vun Nedderland bit an de polnische Grenz, vun de „Benrather Linie“ bit na’t düütsch-däänsche Sleswig.
Man dat sünd mehrsdeels keen literaarsche Texten, de een in dat Book lesen kann: Schrieverslüüd ut de Rebeeten Kark, Politik, Literatur, Journalistik, Volksdoom hebbt Sachtexten bistüert. Se schrievt över de Landschop, ehr Region, besünnere Lüüd, politische un technische Themen oder histor'sche Saken. Dat sünd üm un bi 200 Bidrääg ut acht Bunneslänner.

Mennig en Politiker is dorbi: Franz Müntefering, Harald Ringstorff, Christian Wulff, Ole von Beust un vele annere. Se hebbt woll ehr plattdüütsch Schrieverslüüd dorbi hatt, man eendoont. Dat geiht üm grote Themen as de Grote Koalitschoon, de Europäische Sprakencharta, de düütsche Landwirtschop, de Grenz midden dörch Düütschland .... Man schreben ward ok över Windmöhlen, Wulken, en Dörp fröher un vundaag ... De enkelten Themen laat sik nich all optellen, toveel is dat. Se sünd en bunt Sammelsuus, Splitter vun en Spegel, de wiesen deit, wat allens op Plattdüütsch in Norddüütschland verklaart warrn kann. Un en markt: Ok op plattdüütsch geiht dat goot!

Dat Book is ruutkamen to't 60. Jubiläum vun den Ollnbörger Heimatbund "De Spieker". (na: Plattnet)

Fast inbunnen, Fadenheftung

ISBN 978-3-89995-429-6

Ollnborg: Isensee Verlag 2007, 611 S.


ISBN: 9783899954296
Kategorie: Böker

Bestellnummer: BO ISE 1307
Spiegelsplitter / Speegelsplitter / Speigelsplitter
Dat köst Woveel wullt Du?
€ 29,80
+ Versand
Een Sied trüch