Meiners, Gerold
Kulturgeschichte up Platt

Ut de Vörreed van dan Autor:
Geschichte, dat is de Darstellung van all de Begevenheiten, de de Minschen tostött sünd un för de se sülben intostahn hefft. Kulturgeschichte is darna to folgern de Wetenschup, de dat beschrieven deit, wo de Saken, mit de de Minschen sik afgeeft, na un na entstahn un deelwies ok woller vergahn sünd. In vergahnen Tieden hefft de Minschen in use Gegend över disse Saken sülfsverständlich bloot up Platt snackt, aver wenn wi vandagen to'n Bispill över een Spinnrad, över 'ne Grüttmöhl oder över enen Kutschwagen snacken wüllt, denn fallt us faken nich mehr in, wo dat up Platt heet.
In dit Book sünd enige van de velen ooltmoodschen Saken anspraken un afbillt woorn. To'n Bispill:

Buurnhüüs/De Füürstäe/Möbelmang/Plögen/Aarnt/Huusdeerter/Spinnen un Weven/Kutschen/De Botterkaarn/Swienslachten/Beerbroen/Jagd u.v.a.

Dat gifft twaars vele amüsante un eernste Geschichten up Platt de use Kinner geern leest, aver af un to kiekt se seker ok geern maal in een Book, dat ehr wat ut Opas un Omas Tieden vertellt. Ik meen, dat is een van de besten Togänge to de Geschichte, to dat Schoolfack, dat vele nich so geern möögt, wiel darin toveel van Kriegen un Siegen in vörkummt, dat Verbinnen mit us egenen Saken un Sorgen aver mehrstens vergeten warrt.

Taschenbuch

ISBN 978-3-89995-414-2

Oldenburg: Isensee Verlag 2007, 130 S.

ISBN:
Kategorie: Böker

Bestellnummer: BO ISE 1339
Kulturgeschichte up Platt
Dat köst Woveel wullt Du?
€ 9,80
+ Versand
Een Sied trüch