Staacken, Dieter
Platt-Land. Bilder von Wind und Zeit

Lyrik un Grafik, plattdüütsch-bodenstännig un liekers verspeelt. Blickfänge för den jieperigen Bekieker op jede Siet: Druck, Kalligrafie, Fototechnik maakt ut düt Heimat-Loffleed en Kunstwark. Un ok de Spraak an sik. In ünnerscheedlichste Rhythmen lett Staacken de Eiderstedter Landschaft vör dien Ogen nie entstahn. Sübstverortung in un üm Husum un de literarisch-geistesgeschichtliche Arfschap klingt in Reminiszenzen un intertextuelle Elementen op. Spraak-Spele üm See-Leed, güllen Land un Lyr-Ik, dorbi vull vun en plinköögsche Gootmödigkeit, de ok de Platt-Leckersnut dat een oder anner Grienen afdwingen deit. De Sübstironie, de al in Staacken sien Eiderstedt-Book to finnen weer, treckt sik nu dör dat ganze Book.
De biografisch anleggte Inföhrung leggt Tüüchnis af vun den Gloven an Kunst, de Övertügung, datt de Minsch nich blots vun sien Biologie, sünnern veel mehr vun sien Dinken un Dohn her bestimmt is - un stimmt di in op den Minschen, den du achteran in Woort un Bild in de Mööt kummst. En Minschen, de nich blots vertellen kannn, man de wat to seggen hett. (Heiko Frese)

20 x 27 cm, 120 S., masse Afbb., fast inbunnen

ISBN 978-3-529-04524-0

Neemünster: Wachholtz Verlag 2008, 120 S.

ISBN:
Kategorie: Böker

Bestellnummer: BO WAC 1378
Platt-Land. Bilder von Wind und Zeit
Düsse Artikel is nich mehr to hebben, deit us leed.
Een Sied trüch