Herz, Walter F.
Mal sööt, mal suer - jüst as dat Leven

Wenn du dinkst, hier kummt een fidele Döntjessammlung mit wat to'n Högen un ganz vun achtern ok noch mal wat nadinkersch, denn liggst du verkehrt. In düt Book wiest Herz sik vun een anner Siet. Welck vun sien Vertellen sünd wedder vergnööglich to lesen, man dat egetliche Thema vun düt Book is de Doot. He begegent us in Herz sien meisterhaft komponeerten Gedichten jüst so as in de Jägergeschicht. Dor geiht dat üm een Minschen, den in't Leven düchtig wat mallört un de as Tetraplegiker allens dor an sett, sien Leven een Enn to maken. Braken ward dat Düster jümmer wedder vun een Hapen, wat vun Güntsiet op de Eer strahlt. Wenn du mi fraagst: Dat lohnt sik, Walter F. Herz sien Welt to entdecken.

Walter F. Herz is 1948 in Husum born. Bet 2001 weer he Realschoolmester. He hett in sien Leven kumm wat utlaten, is Musiker (Karkenchor Folk un Country), Jäger, Füürwehrmann, Kommunaalpolitiker un hett sik in't Theater versöcht.

Broschur.

ISBN: 978-3-86675-058-6

Goldebek: Mohland Verlag 2008, 145 S.

ISBN: 9783866750586
Kategorie: Böker

Bestellnummer: BO MOH 1381
Mal sööt, mal suer - jüst as dat Leven
Dat köst Woveel wullt Du?
€ 10,00
+ Versand
Een Sied trüch