En Kampfansage an de Lehr vun de ole Karken weer Waldis sien middelnedderdüütschen Tweeakter, den he 1527 in Riga opföhren dee. D. Andresen hett em in't moderne Plattdüütsch bröcht un goot lesbor makt - de Iever ut de ole Tiet is wunnerbor in dat Översetten weddertofinnen:
"He mutt Bann utlösen, Aflaat kopen,
mutt na Sankt Jakob, na Rom hen lopen,
Wieldat he so den Narren-Dans peddt,
warrn för den Paapst de Swiene fett.
Em sülfst ward Buuk un Büdel small,
he ward vör Hunger möör un mall,
dat helpt em nix! De Kummer blifft,
wo em sien egen Sünn hen drifft."
Dat Original is as Faksimile na en Wolffenbütteler Utgaav blangen dat Översetten afdruckt:
"Moeth bulen lößen, afflaedt kopenn
Nha sant Jacob, nha Rome lopenn ..."
Ok as Inföhrung in dat Middelnedderdüütsche goot to bruken!
Dieter Andresen is Pastor i.R., man düchtig togang bi dat Bibelzentrum in Sleswig, wo he sien Froo to Hülp geiht un sik för Platttdüütsch insett. 1935 in Sterup/Angeln born, hett he sik laat an de Wetenschap ranmaakt un 1982 över Sassisch as Karkenspraak sien Dokter maakt. Arbeid hett he tovör as Pastor in Flensborg, Angeln un Kiel. 2002 hett he den Literaturpries vun de Stadt Kappeln kregen.
Mit en Inleitung vun den Översetter.
Broschur
14,8 x 21 cm
Soltau: Plattform Plattdüütsch in de Kark 2008, 177 S.
