Clausen, Peter Heinrich
Motten un Müüs
Plattdüütsche Geschichten

Mang Motten un Müüs, man ok buten gifft veel to beleven, to'n Bispill wenn't na'n Baden gahn schall:

An'e Nordsee

Dor wahnten maal, so ward vertellt,
so'n bet alleen op Fresenfeld
Claas Willem un sien Karolin.
Harrn Zeeg un Hund un twee, dree Swien.
Poor Immen harrn se noch bito,
twee Schaap, söss Höhner un een Koh.
Ik heff de beiden noch goot kennt:
woorn "Willem un sien Line" nennt.

Se kemen nich ganz mit de Tied,
so afsiet wahnen is doch Schiet.
Vun daääglich waschen un so'n Kraam
harrn se bit dorhin nix vernahm.
Un wesseln alle poor Daag hemd
un Büx un Strümp, dat weer jüm fremd.
Un Baden heel he nich veel vun,
wull uk, wiel he nich swemmen kunn.
He sä: "Mi reckt op jeden Fall
to Ostern un to Ernteball!"

Doch eenes Daags, in Juli weer't,
denn is dor Folgendes passeert:
Weer blaue Himmel, bruddig warm,
un Untüüg stook in Been un Arm,
as Willem fohrte mit sien Fru
rut an de Diek. "Dat deit man nu",
so harr sien Line to em seggt.
"Veermal in't Johr, verstah mi recht,
schall man nu baden, dat is in!
Villicht meenst du, dat hett keen Sinn,
doch Dokters seggen, dat's gesund,
un man rükt rein, nich as so'n Hund!"

...

Wat Claas un sien Line denn achtern Diek beleevt, dat musst du sülms lesen!

En Book vull vergnögliche Riemels över dat Leven, as et mitünner is.

Clausen kummt ut Lütt-Ohrenshöft (Klein-Ahrenshöft) in Nordfreesland, is in Husum op School gahn un leevt vundaag na sien Beroopsleven wedder in sien Heimat.

Mit Teknungen vun Friedel Carstens.

ISBN 3-936120-53-6

Goldebek: Mohland Verlag 2003, 185 S.

ISBN:
Kategorie: Böker

Bestellnummer: BO MOH 1466
Motten un Müüs
Düsse Artikel is nich mehr to hebben, deit us leed.
Een Sied trüch