Bärthel, Hermann
Dat Leven is 'ne Achterbahn

Echt wat to'n Högen, un dorbi plietsch üm de Ecken pliert. Mitünner ganz ut'n normaal-mallen Alldag grepen, mitünner stüürt Bäthel aver ok'n beten opsternaatsch-surreal op anner plattdüütsche Welten to, de he di batz vör'n Kopp un üm de Ohren ballert. So in sien Text "Krimikultur", wo Hauptkommissar Jan Dattel vun de SOKO PLATT, de - tohopen mit sien Pathologen Dokter Snibbbel - optokloren hett, wokeen mit'n Säbel Hermann sien Fröhstücksei so köppt hett, dat dor 'n goot Deel vun dwars dör den Ruum an de Wand un op'n Hemd lanndt sünd. Un worüm Hermann un sien Froo nu blots noch ARTE kiekt, dat steiht dor ok mit in'n Tosamenhang ...
74 (!) vergnöögliche Vertellen, ut dat gralle Leven grepen!

Hermann Bärtel, Jg. 1932, is in Hamborg born. He hett in sien Heimatstadt Snieder lehrt un is to glieke Tiet noch op School gahn. Na’n Abitur hett he in Hamborg op Schoolmester för Düütsch un Ingelsch studeert. He is verheiradt un hett twee Jungs. Siet 1977 schrifft he Grotesken un Vertellens op Platt un maakt Sennungen as „Bärthels Jazz un Platt“ oder in’n Rahmen vun „Hör mal'n beten to“.

ISBN 978-3-87651-332-4

Hamborg: Quickborn Verlag 2008, 158 S.

ISBN:
Kategorie: Böker

Bestellnummer: BO QUB 1516
Dat Leven is 'ne Achterbahn
Dat köst Woveel wullt Du?
€ 9,80
+ Versand
Een Sied trüch