AGB & Datenschutz | Impressum | Över us
 

Kortgood von Georg Theilmann

Theilmann, Georg / Harms, Wilfried (Rg.)

En Heimatdichter in'n besten Sinn - dat weer Georg Theilmann, den Wilfried Harms wollerentdeckt hett. Theilmann sien Vertellens un Gedichten föhrt us trüch in dat Ammerland in de Tiet vör den Eersten Weltkrieg. Se sünd so vull Leevde un Hartpuckern, datt'n sik as Leser girn vun Theilmann an de Hand nehmen laten deit - wat de ol Grootherzog Peter opduukt, lütte Beleevnisse ut de Schooltiet in Riemels oder in Prosa vertellt weert, oder wat dat in de Natur geiht. Man ok wo Doot un Vergahn op'n Weg liggt, lett Theilmann us nich alleen: Mitbeleven, woans Jan Schomaker, sien Schoolkamerad, ut'n Boom fallt un doot blifft. Un woans he jüst in düssen Ogenblick to'n eersten Mal wohre Leevde föhlen dröff. Theilmann is en Meister, wenn't dor üm geiht, Ogenblicke fasttoholen, intofangen un lebennig warrn to laten. Man ok wenn'n loslaten mutt, weet he dor mit ümtogahn.

Theilmann sien Biografie hett Wilfried Harms in korte Kapitels natekent, de mang de Originaltexten instreit sünd. Woans he dor mit togang keem, lett he us mitbeleven. Toeerst lett dat as de "Geschicht vun een Unbekannten" - man denn ward dat Bild dichter, ole Bekannte un Verwandte un - dat Wichtigst - sien Wark kaamt vördag.

ISBN 3-89598-432-9

Ollnborg: Isensee Verlag, 2. Oplaag 1998, 160 S.

Kategorie: Böker
Bestellnummer: BO ISE 1537
Pries: 12,90 EUR  + Versand
Wo veel wullt du?
   Stück
torüch na de letzte Siet torüch na de letzte Siet