Een Kunstband landt bi di op'n Disch: Wunnerbare Drucke, swart-witt un in Farv, Kalligraphie un Fotografie, un middenmang de Spraak: Lyrik in hoch un platt in veer Deele: Eiderstedt - Kinnertied - Fabeln (blots hoch) - Gloov, Spöök, Spijöök. Mehrstendeels finnst du in de natürlich-plattdüütschen Passagen de Kinnertied wedder: de Landschaft, dat Weer, de Speele. Dat hochdütsche speelt mit Indrücke, Erinnerungen, Gedanken; un denn wedder plattdüütsch: Wietkieker un Neegkieker Twee Slag Minschen kann's beleven: De een steiht baben op de Diek un kiekt wied weg, na See un Heven, mit Rundum-Watt-un-Wulken-Kiek. De anner nöölt ant Water lang, luurt jümmers bloot na ünnen un söcht un kleit anne Afbruchkant as geevt dor wat to finnen. ... Ok de künstlerisch-ironisch-sülvstkritische Blick fehlt dor nich (kiek op de letzte Sied). Een Wunnerwark vun een Künstler ut Garding, de Spraak un Bild tosamenbringt, un woneem geit dat beter as in een Book? Fast inbunnen. Husum: Husum Druck 2002, 95 S.
