Bund Niederdeutscher Autoren e.V. (Rg.)
Plattdütsch Blaumen, Bauk IX. Riemels un Vertellers ut Meckelborg-Vörpommern un de Uckermark

Aktuelle Plattdütsche Literatur ut de niegen Bunneslänner, mal futuristisch, mal na achtern richt. Negenteihn Schrievers - Tokunftsfragen warn stellt, wo en Patient in en Krankenhuus sik sübst operieren mutt (Wolfgang Mahnke). Dor ward Bilanz tagen, wat de Wenn na 20 Johren bröcht hett: En Fohrradfabrik ward dichtmaakt - un de Arbeiders nähmen de Saak in ehr egen Hand, laat de Produtschoon wiederlopen, un jem ehr "Protestfahrräder" verköpen sik as warme Semmeln (Uwe Snopkowski, Allens half so slimm"). Ein anner Verteller vun Snopkowski vertellt de Geschicht vun en olen Landarbeider vun de veertiger Johren bet hüüt: Damals is de Slottherr af in'n Westen, dat Läven wür ümkrempelt, ok he krääg en Niebuurnstääd. Na de Wenn keem en niegen Slottherr ut'n Westen ... Miehrere Artikels befaten sik mit de Jugendlichen, de mit korte Hoor un swarte Stäveln rümlopen, mit dei annern, de ehr Heimat den Rügg taukiehren un in'n Westen gahn.
Düt Bauk maakt kloor: De Blick ut'n Osten smitt en anner Licht op Norddüütschland!
(na'n Quickborn vun H. Frese)
Mit Kortbeschrievens vun de Autoren.

ISBN 978-3-937895-71-0

Milow: Schibri-Verlag 2009, 180 S.

ISBN:
Kategorie: Böker

Bestellnummer: BO SBR 1571
Plattdütsch Blaumen, Bauk IX. Riemels un Vertellers ut Meckelborg-Vörpommern un de Uckermark
Dat köst Woveel wullt Du?
€ 9,00
+ Versand
Een Sied trüch