Struck, Arnulf (Rg.) / Hillermann, Ewald
Laatharvst. Ewald Hillermann zum 100. Geburtstag

En groten Loffgesang op de Heimat - dat is de Lyrik vun Ewald Hillermann, de Arnulf Struck hier na Originalutgaven ut ünnerscheedliche Tietschriften, in de Hauptsaak ut "Der Niedersachse" tohopendragen hett. Man nich Loff alleen: Ok Themen as dat Vergahn vun dat Leven, as blinne Gewalt un ehr Sporen, as den Minschen sien Kampf gegen Noot un Gefohr, as dat Frömdwarrn vun den Minschen op sien Plack Eer oder dat Afbreken vun ole Traditschonen wüss Hillermann op Platt Gestalt to geven.
Bavento sünd in düt Book Vördrääg, Levenbeschrrievens un Narööp to finnen, de Hillermann op Hoch oder Platt över Wilhelm Martens, Augustt Brunkhorst, Robert Gäpel un Marie Kupfer verfaat hett.
An't Hart gaht vundaag noch de Gedichten, wo Hillermann in knappe Wöör en Hartpuckern oder sogors Verjagen utdrückt - schull mi wunnern, wenn di bi'n Lesen nich ok mal dat Hart stahnbleev, wenn he över tweischaten Wold oder en Besöök in't Olenheim snackt.

Hillermann is 1906 as Söhn vun en Landbreevdreger in Snevern (Schneverdingen) born. Na sien Schlosserlehr un Gesellentiet wör he 1929, as mennig anner Lüüd, arbeitslos un hett sik soveel as't man güng mit Musik un Schrieven befaat. Af 1933 arbeid he bi'n Milität, eerst för de Wehrmacht, later för de Briten. 1956 wör he Huusmeister an de Soltauer Freudenthal-School, laterhen arbeid he noch'n poor Johren in Munster bi de staatliche Booleitung. Dootbleven is he 2003.
To sien Vörbillers tell he de Freudenthal-Bröder un August Brunkhorst, den Sneverner "Schoosterpoet".

Broschur

ISBN 3-89757-329-6
ISBN 978-3-89757-329-1

Bremen: Hauschild Verlag 2006, 128 S.

ISBN: 9783897573291
Kategorie: Böker

Bestellnummer: BO HAU 1575
Laatharvst. Ewald Hillermann zum 100. Geburtstag
Dat köst Woveel wullt Du?
€ 9,80
+ Versand
Een Sied trüch