Kahl, Heinrich
Grootvadder sien Huus

En Huus, sien Goorn un de Minschen, de dor leevt. Mit Heinrich Kahl gaht wi op Reis in sien Kinnertied un kriegt to weten, wie dat in de twintiger, dörtiger un veertiger Johren vun't vörige Johrhunnert in en Handwarker- un Beamtenhuusholt to gahn is. Tosamen mit sien Broder un Swester, Öllern un Grootöllern wahnt he an Stadtrand vun Hamborg in dat Huus, wat sien Grootvadder för de Familie boot hett. Dorto hört ok de grode Goorn, in den vun Fröhjohr bet Harvst all togang sünd, dormit se wat to eten op ehrn Disch kriegt un ok en Blomenstruuß för de Vas hebbt. Ehr Alldag richt sik na dat Wedder un de Johrestieden, in Winter warrt Swien slacht un in Sommer geiht dat rut in't Moor to'n Torf steken. Heinrich Kahl is opwussen in en Tied, as man vör'n Aven sitten dee to'n Strümpstoppen, as de Kinner in Goorn un bi't Veeh hölpen mussen un as de Melk op'm Holtfüer kaakt worrn is, en Tied, de hüüt lang vörbi schient ... (Verlagstext)

Hein Thies schrifft to düt Book in de Blääd vun de Fehrs-Gill (46/2010):
De, de in de twintiger, dörtiger or
veertiger Johren opwussen is, för den
warrt in düt Book düsse Tiet wedder
lebennig. Un wokeen in de föfftiger
Johren groot worrn is, de seggt ok noch,
ja, jüst so weer dat, as dat hier
beschreven is: Heinrich Kahl schillert hier
dat Leven vun Grootöllern, Öllern un em
sölven in Grootvadder sien Huus, so as
em dat vertellt worrn is or as he dat
sölven beleevt hett.
Dor kaamt all Enkelheiten vördag, op de
sik veel Lüüd blot wedder besinnen doot,
wenn se düt Book leest. Wat de Autor
blot noch allens nipp un nau weet! Man
mutt sik wohrhaftig wunnern.
De Prosa vun „Grootvadder sien Huus“ is
„Saken-Prosa“. Se is nich fiktiv, se is real.
Över dat fröhere Leven in de Kindheit op
’n Buernhoff hett man ja veel leest. Aver
Berichten över dat Leven vun en Familie
vun Handwarkers un Beamten op ’n Lann
gifft dat nich veel. Dorüm is düt Book en wichtig Tietdokument, en Stück Sozialgeschicht.
Dat Book mag sogor Volkskundlers intresseren.
Un wi leest best Plattdüütsch in Woort un Satzbo.
Respekt för den Schrieversmann, den sien Book allerbest worrn is.

Heinrich Kahl is 1921 in Duvenstadt (hört vundaag to Hamborg to) born un mit Plattdüütsch opwussen. He leevt dor ok hüüt. Na’n Kriegsdeenst is he op de Hoge School gahn un achteran Rektor in Hamborg-Wandsbek wurrn. Weer lang Vörstitter vun de Fehrs-Gill. Bekannt dorför, datt he mit sien Gedichtbännen „Küsel“ un „Gollen Hahn“ fernöstliche Gedichtformen op platt to’n Leven bröcht hett.

11,5 x 17,5 cm

Fast inbunnen.

ISBN: 3 529 04779 1

Niemünster: Wachholtz Verlag 2009, 142 S.

ISBN:
Kategorie: Böker

Bestellnummer: BO WAC 1606
Grootvadder sien Huus
Dat köst Woveel wullt Du?
€ 12,00
+ Versand
Een Sied trüch