Hundsdörfer, Leonhard
Hundsdörfliches. Dat Eiste up Platt

De eerste Hörbook-CD von Leonhard Hundsdörfer ut Grotensee (Großensee)

De Lüüd in Stormarn kennt em, wieldat he eenmal in de Week en plattdüütsche Kolumne schrieben deit för dat "Stormarner Tageblatt" (shz). Leonard Hundsdörfer is Buer un Peer-Experte, man nachtens, denn kümmt he nich to Bett: Denn schrifft he siene Texten: Lütte Alldagsgeschichten vun dat, wat em so bemött is an'n Dag: Vun dat Leben op den Hoff, vun de Lüüd üm em rüm, vun sien Familie un vun sien lütten Enkelsöhn Philip. Jümmers mit en lütt Grientjer un nienich mit den moraalschen Wiesfinger. Dat löppt so eenfach ut em rut. Elkeen Week, elkeen Maand, elkeen Johr. Dat maakt em Spaaß un dat maakt de Lesers Spaaß. Mennig Vertellen hett he to Papier bröcht un na't Blatt in Oschloe (Bad Oldesloe) schickt.
Nu hett Leonhard Hundsdörfer sien eerste Hörbook-CD maakt mit 21 vun de schönsten Geschichten, de he beto schreben hett. Sien Dochter Sabine hett em dorto nödigt un holpen, dat dat wat worrn is. Leonhard is keen profeschonellen Spreker, af un an verhaspelt he sik, man dat lett, as weer dat "live". So is en vergnögli Spegelschiev tostanden kamen, de dat kommodig Vertellen vun den "Heimatpoeten" mit de ruge Stimm dokumenteern deit. Keen sien Freid hett an sien Vertellen in't Blatt, de kriggt hier "Plattdüütsch för de Ohren" von den Buern, den de Krieg vun Ostpreußen na Stormarn spöölt hett un de hier de plattdüütsche Spraak annahmen hett. (Verlagstext)

Grotensee: Sübstverlag L. Hundsdörfer, 71 Min. Speeltiet

ISBN:
Kategorie: CDs

Bestellnummer: CD HUN 1607
Hundsdörfliches. Dat Eiste up Platt
Dat köst Woveel wullt Du?
€ 12,00
+ Versand
Een Sied trüch