Schütte, Hayo
Hest du al mal in en Vagelnest seten?

Eerst warst du sachen an de Hand nahmen un lettst di vun den Verteller mitnehmen. Man denn muttst di wunnern - kann dat wol angahn? Un en lütten Ogenblick to laat markst du: Hest di överdüveln laten! Man dor sünd de Geschichten nich mit vörbi: Jümmer duller geiht dat to, bet du di den Buuk holen muttst vör Lachen. Wat dor nu na en Preisutschrieven en "Regelbare kostenunbelastete bio-mechanische Gänse-Fuß-Dauer-Erwärmungs-Apparatur" op Hayo sien Hoff boowt ward, oder wat he eenfach na en Dutz Beer mit Zeitung, en Buddel Sluck un sien Fründ Ernie op sien Schüündack in't Vagelneest to sitten kummt. Dat is wohren Humor, dor muttst du al en Gesichtslähmung hebben, wenn du nich an to lachen fangst.
De Spraak is dorbi vull Biller un schön platt - du markst: Dor stickt Phantasie in un en kloken Kopp achter.
Falls du noch nich so goot Plattt kannst: Blangen den platten Text steiht de ok op de anner Siet ok jümmer op Geel to'n Hen- un Herkieken - dat is besünners goot, wenn Du, as Hayo sülms, mit beide Ogen op ganz ünnerscheedliche Saken ahnen kannst.
De Musik is allerbest un bringt op de beiden Hör-CDs Afwesslung un Swung mang de Leestexten - de aver ok so Vergnögen maakt.
Mi dünkt: Mehr kannn en Book nich beden!

Mit twee CDs.

Taschenbuch
ISBN 978-3-00-031212-0

Cacherien, Sübstverlag Hayo Schütte und Rika Tjakea Schütte 2010, 152 S.

ISBN:
Kategorie: Böker

Bestellnummer: BO SUE 1881
Hest du al mal in en Vagelnest seten?
Dat köst Woveel wullt Du?
€ 18,00
+ Versand
Een Sied trüch