68 Gedichte in vörpommersch Platt, afdruckt twüschen 1900 un 1938 in dat Barther Tageblatt. En deipen Inblick in Dinken un Daun vun de Autorin un ehr Läsers gifft disse Sammlung - wat dat üm dei Emanzipation geiht oder dor üm, datt lütt Hansemann sik Opa ünner de Eer wünscht - dormit dat mal wier richtig Kauken taun Sattäten gifft. Villcht is dat Müller-Grählert ehr gröttst Talent west: Us Minschen wiesen, wat wi us doch mitünner afmaracht un ut'n Finster lehnt un dorbi vergät, wo dat in'n Läwen up ankümmt: op'n dägten Slag Humor. Leseprov: Ein Swur De blasse, stille Mandenschien Blänkt äwer Land un See, Da stunden twei woll up de Dün Un säden sich ade. De brune Seemann, stark un breit, De blonde Dirn, so slank un säut, Sei red'ten beid' von Scheiden. Hei treckt sei zärtlich an sik ran: "Segg Dirn, blift Du mi tru?" Da kiekt sei em mit Tranen an: "O, doran twiefelst Du? Ik swör Di dat bi Mand un See: Sei söll'n verswinden, wenn ick je Di nich de Tru würd hollen!" De Swur is dan; hei küsst ehr heit Up Ogen, Mund un Stirn, Un vull von Trost un Hoffnung geiht Hei rinner in de Firn. Doch as hei endlich wedderkihrt, Da is dat irste, wat hei hürt: Sin Brut hett einen andern. Doch ümmer treckt nach an den Strand As früher Well up Well, Noch ümmer blänkt up See un Land De Mandschin klor un hell. Ach, wenn sik jeder falsche Swur Erfüllen wullt an de Natur, - De Welt leg' längst in Stücken. Dei Titels: Min Lebensschipp Heimat Dat witte Hoor Leiwer Gott, hev Dank! Spätsommer Lachen Eine Begegnung De Kleinigkeit Lütt Diern seggt: So is't Klatsch Kamel un Voss De Bescheid Maigewidder De Junggesell De Zwetschenbom Dod un Diern De Düwels sünd los De beiden Karfunkelsteine De Glücklichste Dat is wat anners De Heuhnerledder De olle Büx Hex Katrin De Kaffeeklatsch De Kater mit'n Kater De Reknung De Söckling De Strandröver De Wett Denn freu ick mi De Klockentrecker Hanne Nüte Irste Leiw Sin Kummer Wer is dat Karnickelzucht Ein lütt Missverständnis Hoffährtigkeit Jehann Blank Dodensünndag Strandmarie Eine olle Wies Ein Swur Ein modernes Märchen Mudding Kronprinzess Ferkenlied Da wir mal eis ... Wedderseihn För de Zingster Dünenwehr Unnern Beernbom De Zeppelin Ein olles Märchen Min Dank Betrachtung An einen Jungen Min Updrag De Waterfru Woltaten Worüm hei nich kunnt Harvst Karlining Lottings Wahl Mi lewt ein Lied in'n Herzen Reccht het hei De Sündenfall Letzter Wunsch Fru Einsamkeit ISBN 978-3-9812840-1-0 Barth: Verlag Adolf Dahlfeld Erben 2009, 126 S.
