Plattrock mit Rhythmus, kunstfardigen E-Gitarren-Sound, Verstand un Humor: Dor blifft keen Oog dröög, wenn Charly sik de "horigen Saken" vörnimmt - so as in sien Lannneshymne "Ik bin born, wo de Seewind herkümmt". Charly Beutin vertellt in sien Leder vun de groten Saken in de lütte Welt: Wat dat de rode Büstenhalter Grött C is, de an de Holtenauer Slüüs weiht, oder üm dat Jappen vun Moslems, Christen, Juden, Buddhisten un Druden na Hanna ehren gedeckten Appelkoken : Eben vun de Saken, de "nich in't Fernsehn, ok nich in't Internet" kamt, kannst wat gewohr warrn. Dorbi kann Charly nich blots dat humorige Flach: He hett de plattdüütsche Anter op "Westerland" (Ärzte): Avernake hett em dat Hart braken. Un wenn em wat richtig op'n Sack geiht, denn melanklötert he nich rüm, man he röppt luud ut, wat unrecht is un wo dat op daallöppt - so as in "Wo is dat Problem". Dor sluukst dien Lacher al mal dröög daal! Dat is di utriepten Rock op Platt! De Titels: 1. Born, wo de Wind herkümmt 2. De Putenpellenmann 3. Platz in't Himmelbett 4. Rode Rosen 5. Jetzt küsst mi nur noch de Blues 6. Wo is dat Problem 7. Hey mien Seuten 8. Gedeckte Appeltorte 9. Tosom 10. Frollein Sasse 11. Avernakö 12. Hör mal'n beten to 13. Versteihst du disse Leed 14. Hey Johann 15. Allns wat du hest 16. Wi schenk' uns nix Charly kummt ut Rendsborg un is en Arbeitersiedlung groot worn. He makt al lang Profi-Musik, nu ok op Platt. Mit en smucket Booklet, wo al de Texten in afdruckt sünd. Hamborg: Moonsound Records 2011, 56 Min. Speeltiet
