Constapel, Gerd
Olldagsland
Niederdeutsche Gedichte von 1998 bis 2010 mit hochdeutschen Übertragungen

En däägten Inblick in de oostfreeske Seel gifft Gerd Constapel mit sien Gedichten. De swappelvullen Sloten, de swarte Ackergrund, dat Rasen un Basen vun de Störmflood staht di lebennig vör Ogen. En kann düt Book as Leevserklärung an dat Land Oostfreesland lesen, man dat maakt he us nich licht, - oder as en Inblick in den ewigen Orloog tüsken Minsch un Natur. Man - dor blifft Constapel nich bi stahn. Na de "Erdung" in den "Zyklus Stoom" (7 Gedichten) sleit he wiede Bagens dör Tiet un Ruum: Woans sik de düütsch-düütsche Grenz vundaag anföhlt ("Marienborn"), wat vun den Jödenkarkhoff Jemgum utgeiht oder wat för Gedanken een Green-Card-Amerikaner dör den Kopp gaht bi en Blick op den New York Bay ut Stockwark achtundartig van een van de velen Hochhuusen in de Weltstadt New York.
Na de Trips dör Ruum un Tiet kummt Constapel wedder tohuus an. Mit översett'e Sonette vun Shakespeare un egen Chansons. Mit "Wankel Tieden" to'n Afluss blifft amenn allens apen ...

Constapel wiest di de Welt un ehr Dimensionen - op oostfreesk Platt - wat sik "im wunderschönsten Sinne als eigene Sprache und nicht als deutsche Mundart zeigt" (Snorre Björkson). Plattschapp.

Klapp-Papp-Inband

ISBN 978-3-934835-07-8

Emmen: Diesel Verlag 2010, 73 S.

ISBN: 9783934835078
Kategorie: Böker

Bestellnummer: BO DIE 2076
Olldagsland
Dat köst Woveel wullt Du?
€ 11,80
+ Versand
Een Sied trüch