Stührwoldt, Matthias
Schnack vernünfti mit mi ...

En Liekutsnacker mit en flink Snutenwark, hier live opnahmen in de Bökerhalle Hamborg: Woans dat mit'n Plattsnacken in de Familje weer. All snacken se Platt, blots nich mit de Kinner: "Wenn se us direkt ansnackt hebbt, denn snacken se Hochdüütsch mit us, langsam un overdüütlich. As ob wi utlännische Uttuusch-Schölers weren. Un wenn wi sülven mal anfungen Platt to snacken, denn keken se us böös an, so böös, as wennn wi luut rülpst harrn an'n Disch. Luut rülpsen an'n Disch, dat dörven blots Oma un Opa. Denn sägen se ümmer: Na Oma, hett Di dat goot smeckt? Wenn wi dat aver deen, denn kregen wi Mecker." So keem dat, datt Platt nich Stührwoldt sien Moderspraak wurrn is, nee: Dat is sien Opa-Spraak. Denn bi Opa bedüüd "vernünftig snacken" heel wat anners as bi de Öllern ...
Dat Leven op'n Buurnhoff hüüttodaags is jümmer noch en Bült Arbeit. Dor weet Matthias Stührwoldt vun to vertellen: He is Buur - un Autor. Mit "Schnack vernünfti ..." leggt he sien plattdüütsch Erstlingswark vör. Man dat geiht nich blots um de Buueree, nee: ok de Generatschonenünnerscheed twüschen de intimraseerte Twete Herrenmannschaft und de "behorte" Altliga vun den TSV Wankendörp kummt to Spraak - oder dat Geheimnis, woans een för en Kassen Beer in Franzöösch en Söss schrieven kann. Un Stührwoldt is een, de dat Leven "ganzheitlich" angeiht. Un so kummt ok de Landwirtschaft wedder to Spraak: Stührwoldt makt nich veel Gewees vun sien Bio-Hoff. Man wat dat an Levensqualität bringen deit, wennn du fief Kinner, een Froo un en groten Hümpel Melkköh hest, dor weet he wat vun to vertellen!
Ok as Book rutkamen.

ISBN 978-3-87651-361-4

Hamborg: Quickborn Verlag 2011, 68 Min. Speeltiet

ISBN: 9783876513508
Kategorie: CDs

Bestellnummer: CD QUB 2095
Schnack vernünfti mit mi ...
Dat köst Woveel wullt Du?
€ 14,95
+ Versand
Een Sied trüch