Knoch, Linde / Möller, Frerk (Övers.) / Ehlers, Marianne (Vörlesersche)
Meermärken (Meeresmärchen plattdüütsch)
Een Billerbook för de Ohren

En Hörbook, wat et in sik hett. De meent, de düütschen Märken weren siet Grimm & Co. afarbeidt, de schall sik wunnern: De Märchenforscherin Linde Knoch is wedder bigahn un hett Märken vun de Küst opschreven.

As Froo Emse in dat Riek vun de Nordseekönigsche kummt, geiht dat lustig to: Ehr lütte Wellenkinner speelt tohopen. Man flink löppt allens döreneen: De Schellfisch, de Dösch un de Kabeljau sünd vergrellt, datt nüms mehr mit jemehr Kinner speelt. De Fischkinner wert vergrellt, slaat mit Flossen op jem daal un maakt en gräsig Rabuus. De Nordwind kummt jem tohelp un lett en gewaltigen Storm opbrusen, de Land un Lüüd wegritt. Froo Eems will al flüchten mit ehr Kinner, de dor nich mehr gegenankaamt gegen de Norseekönigsche ehr Wellenpeer, de de Storm op jem losjaagt. Dat is al meist to laat as se Eem Frees, den Nordseehüün, waaktrummeln künnt. Ballstürig gaht de Wellenpeer tokehr, stampt un tramt un kleit allens uteneen. Eem Frees reck un streck sik, stünn op un puus un pruus gegen den Nordwind gegenan, bet de rusige Nordwind bikant dreih. De Fisch wören bestraaft un mööt siet düsse Tiet stumm blieven ... (Vun de Nordseekönigsche un den Fresenhüün)

Mitünner is dat en düster Spektakel, wenn Naturgewalten un Sagengestalten dat Seggen hebbt - man so as bi de Nordseekönigsche toletzt Freden inkehrt, geiht dat ok in de annern Märken toletzt goot ut.

Schull mi wunnern, wenn Frerk Möller sien plattdüütsch Översetten vull Klören un Biller sik dank Marianne Ehlers ehr sachte un togliek leifige Vörleserstimm nich ok twüschen dien Ohren in en Märchenfüürwark verwanneln dee. Passlich dorto ok de Biller in dat lütte Book dorto, tekent vun Dorothée Böhlke, un de Achtergrundmusik (Harp vun Sören Wendt).

Wat dor op is:
1. De Meerkerl Ekke Nekkepenn
2. De twee Riesen
3. Vun de Nordseekönigsche un den Fresenhüün
4. De Schull
5. De dree Pött an'n Meeresgrund
6. De Rockeloor vun de Meerfru
7. De Zaubermöhl

Fast inbunnen.

16 x 16 cm

ISBN 978-3-9813907-4-2

Potsdam: Willegoos 2011, 53 Min. Speeltiet

ISBN: 9783981390742
Kategorie: Böker

Bestellnummer: BO WIG 2135
Meermärken (Meeresmärchen plattdüütsch)
Dat köst Woveel wullt Du?
€ 19,95
+ Versand
Een Sied trüch