Wat was de oostfreeske kulturgeschicht arm, wenn dat de Jöden nich geven harr. Theo Schuster, de grote oostfreeske Volks- un Kulturkundler, hett allerhand Witzen, Anekdoten, Humoresken, Wöör, Radels un annerswat tohopdragen. Wat dobi rutsüert is, is en Bookje, wat moier nich wesen kunn. En Dinkmal för all de oostfreesken Jöden! En Kostproov: Fastendag En junge Jööd kwamm 't mörgens na'n Buur in't Rheiderland up'n Hannel. Vördat se 't Geschäftje ofmaakt harrn, nödigte de Buur de Jööd an de Tafel bi 't Fröhstück. - Nee, Buur, ik dank, sä de hannelsmann. - Och wat, maak keen Ümstände, Moses. Sett di man d'rbi, 't steiht d'r ja. - Nee, Buur, entgegent Moses, ik dür neet, denn för 't eerste hebb' wi vandaag Fastendag, un to'n anner, hebb ik van mörgens ok al wat eten. Mit Woordenverteeknis un Bibliographie. Fast inbunnen. ISBN 978-3-7963-0388-3 Leer: Schuster Verlag 2011, 140 S.
