Nanninga, Peter
Stünnen sünner Tied

Na "Störm sünner Wind" dat twete Book van Nanninga bi Hebus. Peter Nanninga, 1948 in Uplewart (Plewert)/ Krummhörn op de Welt kamen, hett en heel besünner Ort to vertellen. Du hest dat Geföhl, du lusterst den Schriever persönlich to. De Verbinnungen twüschen dat Damaals un dat Vundaag sünd bi em so lebennig, datt Du föhlst, woans dat tohopenhört. Sien moi Oostfresenplatt deit sien Deel dorto, datt dat Lesen kortwielig is as man wat.
De Titelgeschicht vertellt van de School in de 50er Johren. "Stünnen sünner Tied" weren de Schoolstünnen, de Nanninga un sien Klassenkameraden sünner Klock Dag för Dag in d' School tobringen müssen. Baas over de Tied was de Mester, he alleen wüss, wat de Klock weer, de Kinner müssen em vertroon. Nich so as vundaag, wo de Kinner ehr Handy hebben.
In dat Vundaag steiht Nanninga mit beide Been, man he plinkt- un plieröögt, wenn sien neeschierigen Blick op wunnerliche Maleschen fallt: As Nanninga sien Grootdochter utfragen will, wat se ok al weet, woans een mit' Handy sik erinnern laten kann, wannehr en de Pill nehmen mutt, barmt se sik over ehren Grootvader un makt em en Angebot:

Mi was 't aver mackelk to, dat dat Kind nix van de Pill see,daarum froog ik:
"Worr'n ji in d' Schoolegentlik ok upklärt?"
Do meende dat Wicht:
"Das nicht gerade, Opa, aber was möchtest du denn wissen?"
(Uttog ut de Geschicht Stünnen sünner Tied II)

Datt Nanninga ok en Grotformat-Holtsnittjer is, büst eerst nich verwachten. Aver tööv man af: Is vergnööglich to lesen, woans sik de Minschen in Oostfreesland op'n Dörpen mit sien Kunst utenannersett.

Mit Biller van Enno Smidt.

Broschur

ISBN 978-3-935083-52-2

Leer: Hebus-Verlag 2010, 120 S.

ISBN: 9783935083522
Kategorie: Böker

Bestellnummer: BO NAN 2158
Stünnen sünner Tied
Dat köst Woveel wullt Du?
€ 9,90
+ Versand
Een Sied trüch