Bull, Reimer
Jakob sien Geschichten

Den groten Schriever Reimer Bull sien letzt Book:

Ik bün Jakob
Mi geiht dat goot.
Ik kann nich klagen.
Ik heff mien Utkamen.
Leev noch in mien egen Huus.
So as Willem Johnsen.
Mien Naver.
Willem weer maal Lehrer.
So as ik.
An de Volksschool.

...

Willem un ik, wi sünd Witwers. An un för sik schullen uns Fruuns je Wittfruuns ween, mehrstendeels starvt de Mann vör de Fruu. Dat hett bi uns nich klappt.

...

Ik heff Geburtsdag.
An Namiddag Klock halvig twee bün ik op de Welt kamen. Vör 76 Johr. Wenn de Klock halvig twee is, krieg ik mi dat Dagbook vun mien Mudder her un lees: >Eine schwere Zangengeburt erlöste mich nach 48 Stunden endlich von dem kleinen Quälgeist.<
Quälgeist? Ik heff mi ok quält, nehm ik doch an. Dat is keen Vergnögen, Tang an' Kopp un denn ruttrecken. Ik heff hüüt noch en Narv an' Hals.

...

In't Krankenhuus heff ik Swester Martha kennen lehrt. Martha weer mi angenehm. Ik muß mich an ehr Bost. Bi Martha heff ik de Buddel kregen. Veer Weken heff ik mit Martha leevt un heff dacht, Martha is mien Mudder. Man as ik ehr lieden much, gung se weg, un en Fruu stunn an mien Bett un sä, se is mien Mudder un nimmt mi mit in de School. Un as ik anfang un denk, se is mien Mudder, do geiht se wedder weg, un ik ligg in't Krankenhuus, Nabelbruch."


Szenen ut en Leven. Bilütten, ganz suutje, ward dütlich, wat Jakob Steen för een is un worüm he so is, as he is. Swore Geburt, de Schwarm vun all de Deerns. Denn HJ un so wieder. Man dat fallt em swor, sik dor mit in de Reeg to stellen. To'n Glück hett he en Dokter, de en Oog todrückt un em en Schien för sien Scharführer mitgifft: Fiev Daag keen Deenst - de Freefohrtschien vun dat Teltlager na Huus ...

Spannender kann'n en Biografie nich schrieven: Schoonst düt Book deep induukt in de Grünnen un Afgrünnen vun en Minschen sien Seel, hett et en Lichtigkeit, de Biograhien (anners?) nie nich hebbt. (Plattschapp)

"Een vun de besten Böker, de in de letzte Tiet rutkamen sünd un een vun de besten Böker - woll dat best -, wat Reimer Bull schreven hett. Sien letzt Book". (Volker Holm, Bämsen-Dagfohrt Bevensen-Tagung 2012)

Fast inbunnen, mit Schutzümslag.

ISBN 978-3-87651-356-0

Hamborg: Quickborn Verlag 2011, 107 S.

ISBN: 9783876513560
Kategorie: Böker

Bestellnummer: BO QUB 2180
Jakob sien Geschichten
Dat köst Woveel wullt Du?
€ 10,80
+ Versand
Een Sied trüch