Ünnerscheedlichste Facetten ut dat Leven vun den groten blinnen plattdüütschen Schrieversmann Georg Droste. Woans he mit dat Blindwarn trechtkummt, beschrifft he in "Foftig Johr Licht un Schatten". Mang Texten, de direkt autobiografisch sünd, sünd in düt Book ok Texten opnahmen, de Droste toeerst hochdüütsch, later aver in't Plattdüütsche ümschreven hett. En besünnern Reiz an düt Book is, datt een dat nu al meist historische Bremer Platt vun vör 100 Johr lebennig as man wat vör Ogen steiht. Günther Flemming, de Rutgever, is en Literaturkinner vun Format: He befaat sik anners ü.a. mit de groten Literaten Lewis Carrol un Arno Schmidt. Mit Inleitung, en Biogramm un en Kortbibliographie vun Günther Flemming. ISBN 978-3-86267-044-4 Bremen: Europäischer Literaturverlag 2011, 164 S.
