Paulussen, Elke
Pariser Schick achtern Diek
Plattdüütsche Geschichten, Riemels un Leeder

Midden rin in dat lebennige Leben geiht dat mit Elke Paulussen ehr Lusterbook. Den vergnöögten Fleitjepiepen-Nils, de sik mit Opa noch gegensiedig dörkeddeln mutt, ehr datt he no'n Tähndokter gohn kann, den lehrst du kinnen, jüst so as enige Leder, de Elke Paulussen sübst schreben hett. Dormang ok dat Kuddelmuddelleed: "Dat Chaos fangt bi us eerst an, swümmt de Kökenklock in de Bodewann, wenn in'n Backoben de Wulldeck brodt un de Gummistebels in't Köhlschapp stoht."
De Titelgeschicht vertellt plinköögsch vun dat Schicksal vun en Froo, de vun ehr Kinner höchstpersönlich meist in de Midlife-Crisis dreben ward, denn aber doch den Dreih kriggt, as se vun Tante Meta för ehren neet köfften Pariser Schick mit dat "dynamische Blomenmuster" doch noch en Kumpelment afkriggt. Man dat deit egens gornich mehr nödig, nee: Schiet di wat - achtern Diek passt ok Gummistebels to den Pariser Schick. Weetst Bescheed? Stoh to Di sübst!
De schiere Freid över den groten Gott sien wunnerbore Geschinken kannst du di wiss vun Elke Paulussen afkieken.

ISBN 3-937157-09-3

Quickborn: MoinMoin Tonstudio 2005, 49 Min. Speeltiet

ISBN: 3937157093
Kategorie: CDs

Bestellnummer: CD PAU 2203
Pariser Schick achtern Diek
Dat köst Woveel wullt Du?
€ 14,95
+ Versand
Een Sied trüch