Nölting, Christianne
Baron Schilischarp un sien Reis op de "Kole Koh"

Op de lütte Insel Peper wohnt Baron Schilischarp. He is al siet 200 Johr dood un leevt vergnöögt as Spöök wieder - bit em en starken Storm vun sien Torn op de See weiht. To´n Glück koomt Jan Klabauter un sien Seelüüd mit de Kole Koh vörbi ...
En Heft to´n Lesen un Speelen, dat ok wiesen deit, worüm Plattdüütsch un Engelsch oftins so liek sünd. (Plattschapp)

Dat is nu al dat veerte Geschichtenbook, dat Christianne Nölting sik hett infallen laten, dormit op heel fidele Art Kinner Plattdüütsch lehrn könnt.
Kaptein Klabauter un Macker Madsen sünd mit ehr Schipp ünnerwegens un bemööt den Spöök (den „Geist“) Schilischarp, de Legen hett na sien Leevte Sally of Solt. Dat gifft allerhand Arger op de Reis, de ok de Smuutje vun dat Schipp nich ännern kann: Wo he koken deit, hebt de Lüüd lever Hunger.
Dat is en heel afdreihte Geschicht, de hier vertellt ward, jüst so as Kinner ehr möögt. Un dor lett sik dat Plattdüütsche meist so blangenbi leern. Düttmal geiht dat üm Plattdüütsch un Ingelsch: Dat gifft soveel Plattdüütsch, wat utsüht as Ingelsch - du glöövst dat nich!
Un denn all den besünnern Riemelkraam in dat lütt Book: „Macker Madsen“, „Kole Koh“, Sally of Solt“, „Kaptein Klabauter“. - Dat is en heel lustig Lehrbook worrn, nich bloots för Kinner in Hamborg. (Plattnet)

Ut de Reeg "Quickborn Kids"

Lesealter: ab 8 Jahre

ISBN 978-3-87651-370-6

Hamburg: Quickborn 2011, 32 S.

ISBN: 9783876513706
Kategorie: Böker

Bestellnummer: BO QUB 2252
Baron Schilischarp un sien Reis op de
Dat köst Woveel wullt Du?
€ 5,95
+ Versand
Een Sied trüch