Bredehöft, Petra
Ben de lütte Buur. Ben der kleine Bauer
Plattdüütsch - Hochdeutsch

Ben wasst op en echten Buurnhoff op. Nich so een, wo dat Peer, Swien, Höhner un all dat Billerbook-Vehtüüch gifft, nee: Op sien Buurnhoff wert Swien tücht. Un Ben hett ok al sien egen Farken, dat sünd Quiek un Quak. De wahnt in den lütten Speelhuusswienstall un hebbt dor en lütten Utloop un suhlt sik düchtig in de Pütt.
Ben sien Lieblingsspeel is, Farken to verköpen. Un vundaag fraagt he sien Papa meist Löcker in'n Buuk, weil he sehn hett, datt sien Papa - he heet Achim - jümmer Papieren utfüllen deit, wenn he Swien verköfft. Un dat will Ben vundaag jüst so maken.
"Papa hett em eenen Leverschien geben un nu sitt Ben in dat Swienstallbüro un füllt so eenen Zedel ut. Wer kriggt de Swien? Hett de Vehdoktor de Swien de letzten veerteihn Doog bejannelt? Un wat fö'n Fudder hebbt de Swien in de letzten veerteihn Doog freten?"

Naher gifft dat vun Anna Kekse.Dat sünd de besten Kekse vun de Welt.

"Ben" is en Kinnerbook, wat würlich Inblick in dat Leven vun en normale Buurnfamilje in us Tiet gifft. Blangen de egentliche Geschicht gifft dat natürlich ok Anna ehr Keksrezept in düt Book to finnen - denn künnt Ji tohuus ok de besten Kekse vun de Welt nabacken!
Dat richtige Vörleesbook för all Kinner twüschen dree un söss!

De hochdüütsche Text steiht jümmer en beten lüttjer mit op de glieke Siet.

Fast inbunnen, mit bunte Biller op all de Sieden.

Wohlerst: Petra Bredehöft Sübstverlag 2010, ca.70 S.

ISBN:
Kategorie: Böker

Bestellnummer: BO BRD 2298
Ben de lütte Buur. Ben der kleine Bauer
Dat köst Woveel wullt Du?
€ 12,50
+ Versand
Een Sied trüch