Een Book mit plattdütsch Sprüch un Snicksnack, dat kannst' nich lesen as so'n Geschichtenbook. Dat is keen Krimi un keen Roman. Wenn een uns' ole Sprök wat toleev dohn will, und sammelt tohoop, wat de Bur so seggt bi dit un dat un schrifft dat op, denn is dat iersmal 'n Hümpel as bi den Plünnenjud in uns' Kinnertied: Een groten Kuddelmuddel. In düt Book hätt Peter Seidensticker de Burnsprök na Themen sortiert: Sprök över: - Geld un Good, to'n Bispill: "De Hals is man 'n lütt Lock, ober dor geiht 'n ganzen Buernhoff dör." - Von't Freen: "Söök de Brut in'n Stall, nich op'n Ball." - Herrgott un Dübel: "Nehm den Dübel op'n Nacken, denn kummt he di nich in de Möt." un veel anners mehr. Stade: Kreissparkasse Stade 1976, 95 S.
