AGB & Datenschutz | Impressum | Över us
 

Nägenklauk

Plattdeutsche Geschichten

Mahnke, Wolfgang

Niege plattdüütsche Geschichten vun den Meckelböger Schrieversmann Wolfgang Mahnke sünd rutkamen. „Nägenklauk“ heet dat Book, dat de Hinstorff-Verlag jüst präsenteert hett. Wat nu de Autor een „Nägenklauken“ is oder wat de Lesers un Tohörers achteran klöker/kleuker sünd, dat mutt sik wiesen.

Op jeden Fall schrifft Wolfgang Mahnke bannig klook över düt un dat, wat he so beleven deit - nich mit den moraalschen Wiesfinger, man mehrtiets recht wat vigeliensch to’n Högen un Smustergrienen: „Wat oll Kierls so drömen“, „Wat ein’n bi’n Truerfier in’n Kopp kam’n kann“ un „Nieges ut de Chefetasch“. Ok för Krimifrünnen is wat dorbi: „Murd in’t Hotel Kutzbach?“ un „Dei Dod kem bi’t Telefoniern“ - en makaber Vertellen.

33 Geschichten un Riemels op 104 Sieden sünd hier to finnen, opschreben in allerbest Meckelbörger Plattdütsch un fein to lesen. (Plattnet)

"Je länger ik läst heff, je beter hat't mi gefulln. Dor schriftt'n Rentner, ik bün uk ein'. Un dor schrifft'n Minsch, de de DDR beleevt hat un von vertellen kann, wat de Minschen hüdde dor so denkt un fäuhlt. Je länger, je leiver heff ik Mahnke sine korten Geschichten un de Riemels twüschendörch läst." (Walter Scheller, in: De Kennung 36, Heft 2, S. 159)

Wolfgang Mahnke, 1937 in Malchin burn, läävt in Rostock. 2003 hett hei den Fritz-Reuter-Literaturpries krägen.

12,5 x 20,5 cm

ISBN 978-3-356-01487-7

Rostock: Hinstorff Verlag 2012, 104 S.

Kategorie: Böker
Bestellnummer: BO HIN 2385
Pries: 10,99 EUR  + Versand
Wo veel wullt du?
   Stück
torüch na de letzte Siet torüch na de letzte Siet